Aonu Lord God ne hata na phuki glose ne vuavuha naikno. Eghuteuna Lord God neke phanga lao ka nehugna naikno na mala karha mana. Eghuteuna mana ne funu phaphanga.
Naugna u grioriso te blahi na cheke eghu, “Naikno ulu lahu na mae Adam, God neke vuavuhani mana mala karha.” Nu mae Adam leghu lahu na Tharunga mala tusu meini thofno nakarha na ka naiknore.
Nu Lord, iagho kmami ghehati. Ghehati jateula glose eghu, eghuteuna iagho jateula mae ihei te hohoro suspen ka glose ra eghu. Iagho neke vuavuha ghami ghehati hui ka khamemu iagho.
Kaisei fata mae Adam ghe Ivi neke au kaisei thudi nalhaꞌu. Aonu Ivi ne cheke eghu, “God kela tusu mei ka iara keha sua teke toreni iara te mala ke tughuni Abel teke aknu poru mae Kein tifa ia.” Aonu repa ne kiloni nanghagna thudi na Set. Gaoghathogna Set teu igne “tusu mei” eghu ka cheke Hibru.
Mae Lamek gne neke thugna mae Metusela. Mae Metusela gne neke thugna mae Inok. Mae Inok gne neke thugna mae Jared. Mae Jared gne neke thugna mae Mahalali. Mae Mahalali gne neke thugna mae Kainan.
Ke leghugna narane teke apublahi ka mae Jone ka Kho'u Jordan na, mae Jisas ne fodu ka Tharunga te Blahi neke pulo. Mae Tharunga te Blahi na ne baubatuni mana ne tei kau namono nagou na.