Luku 24:51 - Buka Blahi Ka Cheke Holo

⁵¹ Kate fablahidi mare na, mana jifla kokodi mare, eghuteuna God ne hatani mana ne haghe kligna.

Luku 24:51 ပူးပေါင်းရင်းမြစ်များ

Mae Khuru 1:9

Ke leghugna te gnafa facheke mana igne, God ne hata hagheni mana kligna kate filo teu mare na. Aonu kaisei khoveo mei ne toku tafruni mana kau tathadi hatimare nogna mae khurure.

Jone 20:17

Mae Jisas ne cheke eghu ka naꞌa, “Meri, thosei habo mei ka iara. Naugna iara theome haghe ngau ka mae Mama. Nu tei filodi mae thabusignara cheke eghu ka mare, ‘Iara na haghe ka mae Mama nei Kmami ghotilo. Ka nogu God nei nomi God ghotilo.’ ”

Fapea Kings 2:11

Phiamare toutonu nolo ne tei. Aonu kaisei khaꞌaghi te jateula chariot mala magra te korho ka hose ra teuna ne mei salaꞌu farihoteidi phiamare. Eghuteuna ka vido tuanala, kaisei seseuru ne mei hatani mae profet Elija ne haghe kligna.

Hibru 4:14

Eghume, tahati mala loku famaku ka noda fatutuani na. Naugna tahati au kaisei noda mae pris biꞌo te togho ghita. Mae pris biꞌo igne mae Jisas Kraes Thugna God tela haghehi kligna.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Nonomho Te Keli Teke Risoi Mae Mak 16:19

Kate gnafa cheke Lord Jisas ka nogna mae fanomhore, God ne hata hagheni mae Jisas kligna. Eghuteuna mana gnokro fei nhetagna God.

Luku 24:50

Mae Jisas ne batu fajifladi nogna mae fanomhore Jerusalem ne tei thoke Betani. Jare mana ne ngafa haghe khamegnare ne fablahidi mare.

Luku 24:52

Hatimare ne turupuku soru ranghini mana. Eghuteuna mare neke pulo Jerusalem balu gleale'a biꞌo fara.