Luku 23:35 - Buka Blahi Ka Cheke Holo

³⁵ Naiknore kegra jare filo neu. Nodi mae biꞌo hatimare mae Jiu gre ne maꞌeni mae Jisas ne cheke eghu, “Tore, mae igne fakarhidi keha naiknore. Te mana tutuani mae Kraes teke vavahi God na, lisa laoni mala fakarhini mana thegna.”

Luku 23:35 ပူးပေါင်းရင်းမြစ်များ

Nodi Khoje Hatimare Mae Jiu 22:17

Kate filo meidi nhubragu iara re, nogu naoka iara re filo mei e maꞌe ghau iara. Naugna mare ne filo meini thinigu iara te glaꞌe fara te namo lehe na.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Ululahu Pita 2:4

Noda Lord Jisas na thina karha. God neke vahini mana mala glepo ulu tulao ka tathagna God na. Neubane eghu ngau, naiknogna nauthoglu igne theome magnahagheni mana. Nu ghotilo mei ka mana.

Luku 16:14

Mae Farasi nomhini igne ne maꞌeni mae Jisas, naugna mare magnahaghe sileni fara.

Matiu 12:18

“Igne nogu mae gloku teke vavahi iara na. Nu iara namhani nei gleꞌani eghu mana. Iara ginauna tusu ranghini mana Tharungagu na. Aonu mana ginauna chekeni chekegu iara na ka naikno te theome Jiu mala tughu nagnafa mare.

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Lamentations 3:14

Kheragu thofno iara re filo fapari ghau iara. Mare ei khoje mala maꞌe ghau iara kolho funu hamerane ghilei rafi.

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Nodi Khoje Hatimare Mae Jiu 71:11

Mare ne cheke eghu, “Tore, God na la tei kokonihi mana! Ngolhi si tahati mala lolhoku! Theo kaisei mae te mala fakarhini mana na.”

Nodi Khoje Hatimare Mae Jiu 69:26

Eni sagho igne, naugna mare ne fakokhoanadi iheire teke paradihi iagho ra, nei cheke fadiꞌadi iheire teke fagorehodihi iagho ra.

Nodi Khoje Hatimare Mae Jiu 35:15

Nu kate au iara ka puhi na, mare kelitadi fara, mare khapru falithui ghau iara mala maꞌe ghau iara. Keha mae te theome lasedi iara re, mare theome gnafa te fathoro mei puhi te diꞌa ka iara na.

Nodi Khoje Hatimare Mae Jiu 4:2

Ghotilo naikno ra, niha fata ghotilo nate tapla faparini nanghagu iara na? Niha fata magnahagheidi fabrahu si ghotilo glepo te theo nafudi igrea? Niha fata leghudi si ghotilo puhi te chaichaghi igrea?

Luku 23:13

Mae Paelat ne kilo meidi naikno te gnafa nei mae pris ulu, nei goro mae biꞌo teure.

Luku 23:39

Kaisei mae ka phia mae glalama igre ne cheke fadiꞌa eghu ka mae Jisas. “Ba, iagho mae Kraes sia? Fakarha nigho themu nei fakarhi ghamila ghepa eghu!”