Luku 23:34 - Buka Blahi Ka Cheke Holo

³⁴ Mae Jisas ne cheke eghu, “Mama! Hata fadelei nakhibodi naikno igre, naugna mare theome laseni unha te eni na.” Eghuteuna mae soldiare ne lalahu khale mala laseni mae ihei nate hata nogna pohe mae Jisas re.

Luku 23:34 ပူးပေါင်းရင်းမြစ်များ

Matiu 5:44

Nu te chekeni iara ka ghotilo na, ghotilo mala kafe namhadi nomi mae naokare, nu taraidi naikno te para ghami re eghu.

Mae Khuru 7:60

Mana ne tuturupuku soru ne eha eghu fabiꞌo, “Lord, thosei ke tughu fapulo ranghidi u nakhibo igne!” Ke leghugna te chekeni igne, mae Stivin na ne lehe.

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.

Letas Teke Riso Tei Mae Pol Ka Khiloau Rom 12:14

Ghotilo toreni God mala fablahidi iheire te nenei ghami. Tutuani, thosei toreni God mala paradi.

Ululahu Korin 2:8

Theo kaisei mae te funei frunini nauthoglu gne te laseni u cheke glalase igne. Jame laseni mare na, mare jame neke theome faleheni Jisas, mae funei gna kligna na.

Nodi Khoje Hatimare Mae Jiu 22:18

Mare neke tufa nogu pohe iara na farihoteidi thedi kate lalahu khale mala laseni mae ihei nate nabagna te mala hata nogu pohe iara na.

Jenesis 50:17

Mana neke cheke eghu ka ghehati, ‘Ghotilo neke eni unha puhi te diꞌa na ranghini mae Josep. Cheke ranghini mae Josep mae thabusimi na mala hata fadeleidi mana tami puhi te diꞌa tuare.’ Eghume gognaro na, ghema Josep, ghehati tore nigho iagho mala hata fadeleidi ka ghehati unha najafra teke edi ghehati ka iagho ra.” Mae Josep ne nomhini cheke igne ne tanhi fabiꞌo.

Profet Isaia 53:12

Naugna igne iara ginauna ghatho tahuni mana baludi mae biꞌo te au nodi nolaghi. Mana snakreni thegna mala lehe jateula mae te diꞌa eghu. Nu mana lehe tughudi kmana naikno te tapla jafra ka nakhibo, eghuteuna mana tore ghau iara mala atha koko nakhibodire.”

Ululahu Timoti 1:13

Tutuani fara, tifa na iara neke cheke fadiꞌani mana nei jaola paradi nei lalamadi iheire teke leghuni mana re. Nu neuba ngau, mana neke kokhoni ghau iara, naugna iara neke theome laseni glepo te diꞌa teke eni iara na. Iara neke edi glepo igre kani theome fatutuani ni ngau mana.

Mae Khuru 3:17

“Uve, kheraguro, iara lase ghau ghotilo baludi mae biꞌomi ra neke eni igne ranghini mae Jisas ka puhi naꞌiho kolho.

Ululahu Korin 4:12

Ghehati loku heta fara te mala au ghemi gano na. Kate cheke fadiꞌa ghami naiknore, ghehati fablahidi. Kate para ghami naiknore, ghehati lisa lao kolho.

Matiu 11:25

Aonu mae Jisas ne cheke eghu ka mae Kmagna na, “Mama, iara cheke fakeli nigho, iagho mae te funei frunidi gobigna lepo kligna ba pari. Iara cheke fakeli nigho, naugna iagho ne falalase ka iheire te jateula sua teu te ihoni thofno glalase na, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na.

Jone 19:11

Mae Jisas ne cheke eghu ka mae Paelat, “Iagho theo kaisei nou nolaghi ke klignagu iara. Nu iagho tangomana te tupijuru ghau iara na, naugna God neke snakre nigho iagho te mala eni tuana. Nu mae ihei te snakre ghau iara ka khamemu iagho na, mana thono nakhibogna biꞌo fara ke tulao mu iaghoi.”

Nonomho Te Keli Teke Risoi Mae Mak 15:24

Mae soldiare ne tupijuruni mae Jisas kau gaju fafatha na. Aonu mare ne tufa nogna pohe manare fari hoteidi thedi. Mare ne lalahu khale mala laseni mae ihei nate hata vido aheva na.

Matiu 11:26

Uve, Mama, iagho eni igne, naugna igne unha te thofno magnahagheni iagho na.”

Luku 22:42

Mana ne cheke eghu, “Mama, jame te magnahaghei iagho na, iara tore nigho te mala hata fadelei kakhabruana biꞌo jateula hinao te fodu ka waen te raha teu ka iara igne. Nu eni unha te magnahagheni iagho themu na, thosei leghui unha te magnahaghei iara na.”

Jone 17:9

Gognaro na iara taraidi mare. Iara theome taraidi naikno te leghuni puhigna nauthoglu igne. Nu iara taraidi naikno teke tusu mei iagho ka iara gre, naugna mare nou iagho.

Mae Khuru 16:28

Nu mae Pol ne eha eghu fabiꞌo ka mana, “Ghema, thosei falehe nigho themu! Ghehati kafe au ngala agne!”