Luku 23:32 - Buka Blahi Ka Cheke Holo

³² Mae soldiare jaola hata ne tei phei mae te glalamare mala falelehe balugna mae Jisas.

Luku 23:32 ပူးပေါင်းရင်းမြစ်များ

Nonomho Te Keli Teke Risoi Mae Mak 15:27

Jaola hatimare ne tupijuru balugna mae Jisas phia mae teke blau. Kaisei mae fei nhetagna nei kehana fei mairigna.

Matiu 27:38

Aonu keha phei mae blau jaola ne tupijuru balugna mana ka gaju fafatha na, kaisei fei nhetagna, eghuteuna kehana fei mairigna.

Profet Isaia 53:12

Naugna igne iara ginauna ghatho tahuni mana baludi mae biꞌo te au nodi nolaghi. Mana snakreni thegna mala lehe jateula mae te diꞌa eghu. Nu mana lehe tughudi kmana naikno te tapla jafra ka nakhibo, eghuteuna mana tore ghau iara mala atha koko nakhibodire.”

Jone 19:18

Jare mare ne tupijuruni mae Jisas ka gaju fafatha na. Mare ne tupijurudi langau phia mae balugna mae Jisas, kaisei fei mairi nei keha na fei nhetagna, eghuteuna mana hotei.

Luku 22:37

Eghuteuna te chekeni iara ka ghotilo na, grioriso te blahi na cheke eghu, ‘Mana na snakreni thegna mala lehe baludi mae te glalama fara re’. Cheke igne na tutuani fara ka iara nei unha teke risoni mae profet eigu iara tifa ia la horoghoto fara gognaro gne.”

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Luku 23:31

Tutuani, te snakre ghau iara God mae te theo nakhibogna na te mala au papara na, God ginauna thofno fatedi tulao naikno te diꞌare.”

Fapea Timoti 2:9

Eghuteuna naugna te toutonuni iara u Nonomho te Keli igne, naiknore ne haru ghau iara ka chen jateula mare te haruni kaisei mae te huhughuni fara u vetula na ia eghu. Nu theome tangomana kaisei naikno ka nauthoglu gne te haruni chekegna God na ka chen.