Luku 23:27 - Buka Blahi Ka Cheke Holo

²⁷ Kmana naikno ne tei balugna mae Jisas. Keha naikno biꞌo te tei baludi mare re diꞌanagnafa ne tanhini mae Jisas.

Luku 23:27 ပူးပေါင်းရင်းမြစ်များ

Luku 8:52

Naikno te au ka suga tuana ne kafe tanhi balu diꞌanagnafa, naugna sua gaꞌase na la lehehi. Nu mae Jisas ne cheke eghu, “Thosei tanhi. Naꞌa theome lehe, nu naꞌa thuru au kolho!”

Luku 8:2

nei keha gaꞌase langau eghu ne tei balugna mana. Eghuteuna gaꞌase igre mana neke fakarhidi ka naitu nei kau kmana nafnata khabru. Kaisei na Meri, naꞌa thau gna Makidala, mana neke brue fajifladi fitu naitu ka naꞌa tifa.

Nonomho Te Keli Teke Risoi Mae Mak 15:40

Keha gaꞌase langau kegra filo mei neu delei. Baludi Meri gna Makidala nei Salome nei Meri idodi mae Joses ghe mae tahigna Jemes.

Luku 23:55

Goro gaꞌase teke mei balugna mae Jisas funu Galili igre ne tei ke leghugna mae Josep ka gluma na mala filoni aheva nate lilisei thinigna mae Jisas na.

Matiu 27:55

Kmana gaꞌase teke mei funudi Galili balugna Jisas te mala toghoni mana igre filo neu delei.

Nodi Khoje Hatimare Mae Jiu 22:17

Kate filo meidi nhubragu iara re, nogu naoka iara re filo mei e maꞌe ghau iara. Naugna mare ne filo meini thinigu iara te glaꞌe fara te namo lehe na.

Matiu 11:17

“ ‘Ghehati koje ka nifu mala gleale'a nei ragi eghu ghotilo, nu ghotilo tiromi ragi kolho. Ghehati kojeni khoje te mala diꞌanagnafa na, nu ghotilo tiromi diꞌanagnafa nei tanhi eghu kolho.’

Luku 23:28

Nu mae Jisas figri ne cheke eghu ka reꞌe, “Ghotilo goro naikno biꞌomi Jerusalem. Thosei tanhi ghau iara, nu ghotilo tanhi ghami themi, nei goro thumire eghu.

Jone 16:20

Tutuani fara te chekeni iara ka ghotilo na. Naiknogna nauthoglu igne ginauna keli tadi fara ka unha nate eni mare ka iara na. Eghuteuna ghotilo ginauna tanhi nei diꞌanagnafa eghu, nu nomi diꞌanagnafa ghotilo na nake figri kau gleale'a.