Luku 23:22 - Buka Blahi Ka Cheke Holo

²² Fatilo fata mae Paelat ne cheke eghu ka mare, “Naugna unha? Unha najafra si teke eni mae ignea? Iara theome filoni kaisei nafugna te mala faleheni mana na. Eghume iara ginauna purini mana mala hata fajiflani mana.”

Luku 23:22 ပူးပေါင်းရင်းမြစ်များ

Luku 23:14

Mana ne cheke eghu ka mare, “Ghotilo hata mei mae igne ka iara agne. Te chekeni ghotilo na, mana ne baubatu fadiꞌadi naiknore mala thosei leghuni mae funei biꞌo gna Rom. Nu gognarona iara na ghusnani mana ke ulumi ghotilo hui. Eghuteuna iara theome filoni kaisei najafra te chekedi ghotilo gre ka mana.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Ululahu Pita 1:19

Theo. Mana neke foli fapulo ghami ka dadaragna mae Kraes thegna te ulu tulao. Mae Kraes na jateula kaisei sua sipu eghu mala fafara, te famane klino nei theo kaisei thona tagna.

Luku 23:20

Nu mae Paelat magnahaghei fara te hata fajiflani mae Jisas, aonu mana ne cheke eghu ka naiknore, “Iara magnahaghei te hata fajiflani mae Jisas!”

Luku 23:16

Eghume iara na chekedi mae soldia ra mala purini mana, eghuteuna iara ginauna na snakreni mana mala tei nogna.”

Luku 23:4

Mae Paelat ne cheke eghu ka hatimare mae pris ulu nei ka naikno te khapru teu jare, “Iara theome filoni kaisei najafra ka mae igne.”

Luku 23:21

Nu mare ne eha eghu fabiꞌo mei ka mana, “Tupijuruni! Tupijuruni ka gaju fafatha!”

Luku 23:23

Nu mare heta ghedi fara ne eha fabiꞌo. Mare magnahagheni fara mae Jisas te tupijuru ka gaju fafatha. Aonu leghu lahu na mare ne tangomanadi.