Luku 22:33 - Buka Blahi Ka Cheke Holo

³³ Nu mae Pita ne cheke eghu ka mae Jisas, “Lord, iara la tarabanahi te mala tei balumu iagho ka suga sosolo na, nei mala lehe balumu iagho!”

Luku 22:33 ပူးပေါင်းရင်းမြစ်များ

Nonomho Te Keli Teke Risoi Mae Mak 14:31

Mae Pita ne cheke eghu balu faheaheta, “Neubane lehe iara balumu iagho, iara ginauna na theome chekeni ne iho iagho teuna!” Keha mae fanomhore jaola ne kafe cheke eghu.

Nonomho Te Keli Teke Risoi Mae Mak 14:29

Mae Pita ne cheke eghu ka mana, “Neuba mae fanomhore ne kafe rikha koko nigho iagho, iara ginauna na theome tangomana te eni tuana na!”

Matiu 20:22

Mana ne cheke eghu ka retilo, “Ghotilo theome laseni unha te toreni ka iara na. Ba tangomana ngau si ghopa te au papara ka nafnata nate au papara iara gnea?” Phiamare ne cheke eghu ka mana, “Uve, ghepa tangomana.”

Mae Khuru 21:13

Nu mae Pol ne cheke eghu, “Ba, naugna unha site tanhi ghotilo te diꞌanagnafagu fara iara gnea? Iara gne tarabanau ngala te mala haru ghau mare Jerusalem na. Eghuteuna iara gne tarabanau ngala te mala lehe ranghini noda Lord Jisas!”

Proveb 28:26

Mae te ronuni nogna gaoghatho thegna na, mana mae fameomekro kolho. Nu mae te rouronu ka gaoghatho te keli na ginauna au fakeli.

Profet Jeremaea 17:9

Ihei te lase fakelini gaoghathogna naikno na? Gaoghathogna naikno na jateula kaisei fogra biꞌo te theome tangomana kaisei naikno teke famafoni ra eghu. Thiꞌagna naikno na fodu ka chaichaghi. Ihei te lase fakelini nagnafagna naikno na?

Profet Jeremaea 10:23

Lord, te laseni iara na, theo kaisei naikno ka ghehati te naba te mala batu ghami te mala leghuni nabrou te magnahagheni ghehati na.

Luku 22:34

Mae Jisas ne cheke eghu ka mae Pita, “Iara na cheke ari ka iagho, Pita. Iagho ginau bongi na na theome tanhi ngau khokorako na, na thilo fata chekeni ne theome lase ghau iara teuna.”

Jone 13:38

Mae Jisas ne cheke eghu ka mae Pita, “Ba, iagho na lehe tutuani ranghi ghau iara sia? Tutuani fara te chekeni iara ka iagho na. Ame tanhi nga khokorako na teuna, iagho na thilo fata chekeni ne iho ghau iara teuna.”

Luku 22:57

Mae Pita ne thufu ne cheke eghu, “Gaꞌase, iara iho noguni mae tuana.”