Luku 22:18 - Buka Blahi Ka Cheke Holo

¹⁸ Te chekeni iara ka ghotilo na, iara ginauna theome ke ko'uni kholo waen igne ghilei thoke mei narane nate ko'uni iara waen majaghani na ka nogna nauthoglu majaghani God.”

Luku 22:18 ပူးပေါင်းရင်းမြစ်များ

Matiu 26:29

Iara chekeni ka ghotilo igne, iara ginauna theome ko'uni kaisei waen ke leghugna igne ghilei thoke mei narane nate ko'uni iara waen majaghani na balumi ghotilo ka nogna nauthoglu majaghani mae Mama.”

Luku 22:16

Ke leghugna igne iara ginauna theome imani Gaghamu Ghasa-Polho igne ghilei thokeni narane nate horoghoto gaoghathogna narane te funei frunidi God nogna naiknore.”

Nonomho Te Keli Teke Risoi Mae Mak 14:25

Tutuani fara, te chekeni iara ka ghotilo na. Iara ginauna theome ko'uni kaisei waen ke leghugna igne ghilei thoke mei narane nate ko'uni iara waen majaghani na ka nogna nauthoglu majaghani God.”

Profet Isaia 55:1

Lord ne cheke eghu, “Ghotilo mei ka iara! ghotilo iheire te magnahaghei koꞌu ra, mei koꞌu ka iara. Khoꞌu na au ngala. Ghotilo iheire te theo nomi sileni ra, ghotilo mei ka iara. Ghotilo mei atha gano ka iara mala ima. Ghotilo mei mala koꞌu milk nei waen, uve, neubane theo sileni mei kolho.

Kolose 1:13

God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Luku 21:31

Jateula tuana eghu, kate filodi ghotilo gobigna lepo te edi igre, ghotilo ginauna laseni narane God te funei frunidi nogna naiknore la namo meihi.

Luku 9:27

“Tutuani fara, te chekeni iara ka ghotilo na. Keha naikno te au teu balugu iara gognaro igre, mare ginauna theome leheu na filoni God te funei frunidi nogna naiknore.”

Nonomho Te Keli Teke Risoi Mae Mak 15:23

Jare mae soldiare ne fako'uni mae Jisas ka waen te ngigno balu meresin te kiloi mur. Nu mae Jisas ne tirogna ko'uni.

Nonomho Te Keli Teke Risoi Mae Mak 14:23

Gnafa teuna mana hata hinao na, ne cheke fakelini ka God. Aonu mana ne tusu lao ka nogna mae fanomhore. Mae fanomhore ne kafe koꞌu ka hinao na.

Nonomho Te Keli Teke Risoi Mae Mak 9:1

Aonu, mae Jisas ne cheke eghu ka naiknore, “Tutuani fara te chekeni iara ka ghotilo na, keha naikno ka ghotilo te au teu balugu iara gognaro igre ame lehe nga teuna mare ginauna na filoni God te funei frunidi nogna naiknore balu nolaghi te biꞌo.”

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Profet Sekaraea 9:17

Naiknore ginauna keli nei famane fara eghu! Eghuteuna famane gano nei waen teu ka nodi glose na igre, ginauna mala ghamu nei koꞌu eghu mae nalhaꞌu majaghani nei gaꞌase majaghani teu igre mala rheta thinidi re.

Profet Sekaraea 9:15

Lord mae ihei te au nolaghi fateote'o igne, mana ginauna reireghi nogna naiknore jateula kaisei greoreo eghu. Nogu naikno iara re ginauna falehedi nei uludi eghu nodi naoka te piri kuava ka mare re. Kate uluni magra na, mare ginauna eha fabiꞌo jateula mae te koꞌu waen te thaviru ra eghu kate ghamu nei koꞌu teu mare na. Mare ginauna boho fara, jateula dis te fodu ka dadara mala fafara te mala tofa ka olta ra neu.

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Profet Isaia 25:6

Ka Thogele blahi Saion, Lord mae ihei te au nolaghi fateote'o igne ginauna tarabana kaisei gaghamu biꞌo maladi naikno te gnafa ka nauthoglu igne. Eghuteuna mana ginauna tarabana gano te keli nei waen te keli.

Famane Khoje 5:1

Kheraguo, iagho khetogu iara. Iara meihi lamna ka nogu nagare na. Iara atha khakladi te famane sisiri nei glaghobe. Iara kelitagu fara te ghamu ghegu famane jurukuli. Iara koꞌu waen balu milk. Ghopa kheraguro, ghopa mala ghamu fodu, nei koꞌu fodu, eghu ghilei thofno boho ghopa ka nomi namha na.

Jajis 9:13

“Nu grep ne cheke eghu, ‘Theo! Jame iara te noda funei tahati na, iara ginauna tei kokoni nogu gloku te mala tufa waen te mala kelitadi god ghe naikno.’