Luku 21:37 - Buka Blahi Ka Cheke Holo

³⁷ Leuleghu narane na, mae Jisas ne tei ne farirhiu ke lamna Sugablahi, eghuteuna fei grafi na mana tei ka thogele te kiloi Thogele Gaju Olivi.

Luku 21:37 ပူးပေါင်းရင်းမြစ်များ

Luku 22:39

Mae Jisas gne tei koba ka Thogele Gaju Olivi. Eghuteuna ka bongi igne, mae Jisas jifla ka namono biꞌo na ne tei jare. Nogna mae fanomho mana re ne tei balugna mana.

Nonomho Te Keli Teke Risoi Mae Mak 11:19

Aonu, ka vido tela funu plulu hila naprai na, mae Jisas baludi nogna mae fanomhore ne jifla kokoni namono biꞌo na.

Matiu 26:55

Mae Jisas ne cheke eghu ka naiknore, “Ba, ne mae blau iara eghu mei balu naflahi nei nanala eghu mala mei loki ghau iara si ghotilo ia? Leuleghu narane iara gnokro farirhiudi koba naiknore ke lamna Sugablahi, nu ghotilo theome mei loki ghau ngala iara jare.

Matiu 21:17

Aonu, mae Jisas jifla ne tei Betani ne thuru kaisei bongi jare.

Matiu 21:1

Mae Jisas baludi nogna mae fanomhore ne tei namo Jerusalem. Nu ulu lahu na, mare ne snoto ka namono ka thogele te kiloi Thogele Gaju Olivi. Funu jare mae Jisas ne kurudi phei nogna mae fanomhore mala tei ka namono na.

Mae Khuru 1:12

Aonu ke leghugna igne, mae khurure ne tei kokoni thogele te kiloi Thogele Gaju Olivi na neke pulo Jerusalem. Ka vido tuana theome thei brahu, nabagna kaisei kilomita kolho.

Jone 12:1

Namno narane ngau ame thokeni nga narane Gaghamu Ghasa-Polho na, mae Jisas neke pulo Betani, ka namono aheva te au mae Lasaros. Mae igne teke lehe nu ke fakakarha mae Jisas teku ia.

Luku 19:37

Mae Jisas mei ne namo Jerusalem ka pesigna Thogele Gaju Olivi. Aonu, nogna mae fanomho manare ne kafe gleale'a fara. Mare ne funu eha ne cheke fakelini God, eidi kofubobhoi teke filo tathadi thedire.

Nonomho Te Keli Teke Risoi Mae Mak 11:12

Ka keha narane teke mei mare funudi Betani na, mae Jisas ne rofo.

Matiu 26:30

Ke leghugna igne, mae Jisas baludi nogna mae fanomhore koje kaisei himu mala kilo fnaknoni God. Mare jifla ne tei ka Thogele Gaju Olivi.

Profet Sekaraea 14:4

Ka narane tuana, mana ginauna kegra kligna ka Thogele Gaju Olivi ke kosi Jerusalem ke maghati, eghuteuna thogele igne ginauna fnota farihotei. Kaisei vido na ginauna thugha tei ke raru, eghuteuna keha vido na thugha tei ke mata, eghuteuna glogu biꞌo ginauna au farihotei, funu maghati tei posa ke mosu.

Nonomho Te Keli Teke Risoi Mae Mak 14:49

Leuleghu narane na iara au ngala balumi ghotilo, farirhiu ngala ke lamna Sugablahi, eghuteuna ghotilo theome loki ghau ngala iara jare. Nu glepo igre edi mala horoghoto kau grioriso te blahi ia.”

Luku 19:29

Kate mei namo ka phei namono Betifes ghe Betani, rhegna thogele te kiloi Thogele Gaju Olivi, mana ne kurudi phei nogna mae fanomhore mala kulu ulu.

Luku 19:47

Leuleghu narane na mae Jisas farirhiudi naiknore ke lamna Sugablahi. Nu hatimare mae pris ulu, nei mae velepuhigna vetula nogna mae Moses, nei mae mala baubatu ka naiknore eghu ne fariuriu hara keha phoge mala faleheni mana.

Jone 18:2

Aonu, mae Judas laseni vido tuana, naugna kmana fata mae Jisas tei koba jare baludi nogna mae fanomhore. Mae Judas gne kaisei mae te magnahaghei majorani Jisas.