Luku 21:28 - Buka Blahi Ka Cheke Holo

²⁸ Kate funu thoke mei glepo igre, ghotilo farerheta nagnafamire. Ghotilo kegra fadoglo mala filo haghe kligna, naugna narane God te mala fakarha ghami ghotilo na la namo meihi.”

Luku 21:28 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:23

Nu theome glepo tuare kolho te tanhi eghu na. Tahati theda, eigna God neke tusu mei Tharunga te Blahi na ka tahati jateula kaisei nhaꞌa cheke glepo keli na mei ke leghu. Tutuani, tahati jaola eha ke lamnada balu kabru. Naugna tahati ofoni God fabrahu mala fasnagladi thinidare nei tusu ranghi ghita u thini majaghani, mala tangomana tahati te thofno thugna mana na.

Efesus 4:30

Eghuteuna thosei fadiꞌa nagnafani mae Tharunga te Blahi, naugna mana nogna nhaꞌa cheke God eigna God ginauna thofno fasnagla ghami ka narane leghu lahu na.

Letas Teke Riso Tei Mae Pol Ka Khiloau Rom 8:19

Gobigna lepo teke vuavuha God igre ofou kolho mala thokeni narane nate falalase God iheire te thofno thugna mana re.

Luku 18:7

Naiknore tanhi bongi narane ka God mala toghodi. Eghuteuna God ginauna tusu ranghidi fabrahu unha glepo te keli na, eghuteuna mana ginauna na theome phaipalighi te mala toghodire.

Efesus 1:14

Tutuani, naugna tahati la hatahi mae Tharunga te Blahi na, tahati ginauna tangomana te hata unha God teke nhaꞌa cheke ranghi ghita tifa na. Naugna igne tahati thofno laseni God ginauna thofno fasnagladi nogna naiknore balugna. Eghume tahati kilo fnaknoni God eigna nogna nafnakno biꞌo!

Luku 13:11

Lamna jare na au kaisei gaꞌase te au kaisei naitu tagna. Naitu igne fablughuni naꞌa nabagna nabotho nhana finogha. Eghuteuna thagrugna gaꞌase igne pogho fara, theome tangomana teke doglo na.

Luku 21:29

Mae Jisas ne chekeni kaisei cheke naba ka nogna mae fanomhore. Mana ne cheke eghu ka mare, “Filo si ghotilo kau gaju fig ia, ba ka keha gaju te gnafa are.