Luku 21:21 - Buka Blahi Ka Cheke Holo

²¹ Eghuteuna kau narane tuana naikno te au ka Provins Judia gre, ginauna rikha tei ka thogele ro. Naikno te au Jerusalem gre ginauna jifla tei. Eghuteuna naikno te au mhata gre, thosei ke pulo mei ka namono biꞌo na.

Luku 21:21 ပူးပေါင်းရင်းမြစ်များ

Profet Jeremaea 6:1

Lord ne cheke eghu, “Ghotilo vikegna mae Benjamin ra, ghotilo jifla Jerusalem rikha tei poru! Ghotilo te au ka namono Tekoa mala kufli. Ghotilo te au ka namono biꞌo Bet-Hakerem, ghotilo ifu khaꞌaghi ka thogele ke leghu namono biꞌo, mala laseni naiknore tela meihi mae naokare. Puhi biꞌo igne na jifla mei ke raru mala mei goigoni ghami ghotilo.

Thakle 18:4

Aonu iara ne nomhini keha cheke na ne cheke eghu mei funu kligna, “Ghotilo nogu naikno iara ra, jifla Babilon! Naugna iara theome magnahaghei ghami ghotilo te gnognoro jateula te edi naikno igre eghu. Iara theome magnahaghei te para ghami ghotilo jateula naꞌa eghu.

Nonomho Te Keli Teke Risoi Mae Mak 13:15

Ihei te au teu ka thagrugna nogna suga na, thosei soru pari mala tei hata fajifla kaisei glepo ka nogna suga na.

Matiu 24:16

“Aonu, ka narane tuana, naikno te au ka Provins Judia ginauna rikha tei ka thogele gro.

Profet Jeremaea 35:11

Nu kate mei King Nebukadnesa gna Babilonia balu nogna armi te magra ke lamnagna kantri igne, ghehati rikhadi mare ne mei poru agne Jerusalem. Naugna igne te mei au teu ghehati ka namono igne.”

Proveb 22:3

Mae te lalase na filo glani puhi biꞌo na tei poru ka vido te keli. Mae te fameomekro na theome gnafa ka puhi biꞌo.

Naba 16:26

Aonu mana ne cheke eghu ka naiknore, “Jifla ka nodi suga thapuale naikno te diꞌa igre! Thosei habo lao kaisei glepo ka nodi mare are! Eghuteuna jame te eni ghotilo na, God jaola ginauna goigoni ghami ghotilo eidi nakhibodi mae igre.”

Jenesis 19:26

Nu khetogna mae Lot na ne huhughuni Lord ne filo faleghu. Eghuteuna thinigna na ne figri ne vuhai solt ne maku jateula thina neu ne kegra neu jare.

Jenesis 19:17

Kate hata fajifladihi ke kosigna namono na, kaisei engel na ne cheke eghu, “Faghose rikha, na eghunu lehe ghotilo eghu. Thosei filo faleghu ba thosei gnokro e gnafa ka sare pari ana. Rikha tei ka thogele holo igro, na eghunu lehe ghotilo eghu.”

Profet Jeremaea 37:12

Mae Jeremaea jaola ne jifla Jerusalem ne tei ka nohi Benjamin mala tei filoni vido glose te khotogna mana ka nogna vike na.

Matiu 2:1

Mae Jisas neke karha ka namono Betlehem, ka Provins Judia kau narane teke King mae Herod. Ke leghugna te karha mae Jisas na, keha mae glalase ne mei posa Jerusalem funudi ke maghati.