Luku 20:22 - Buka Blahi Ka Cheke Holo

²² Ba, ghema, keliu ngala te foli takis tahati ka mae Sisa na? Ba theo?” Mae Sisa gne mae king biꞌo gna Rom.

Luku 20:22 ပူးပေါင်းရင်းမြစ်များ

Nehemaea 9:37

Nu naugna te eni fabrahu ghehati puhi nakhibo na, king mala funei fruni ghami ghehati teku iagho igre, mare hata glepo te keli teke hata ghehati ka glose igne. Mare funei fruni fadiꞌa ghami ghehati mala tangomana mare te edi ka ghehati unha glepo te magnahaghei edi mare ka ghehati na, nei ka nomi buluka nei sipu teu ghehati gre. God, puhi biꞌo thoke ghami ghehati gognarogne!

Mae Khuru 5:37

Ke leghugna igne, mae Judas, kaisei mae gna Galili. Mana neke mei funu Galili kau narane sensas mala kaha naikno neku. Eghuteuna kmana naikno neke leghu nila mana. Nu keha naiknore neke falehe nila mana, aonu naikno teke leghuni mana re ne sopa thei.

Matiu 17:25

Mae Pita ne cheke eghu ka mare, “Uve, mae Jisas gne foli takis.” Mae Pita tei ka suga aheva te au mae Jisas na. Mae Jisas ne ghusna eghu ka mae Pita, “Ba ghema Simon, unha eghu iagho gaoghathomu na? Mae King kau nauthoglu igne, mare salo kmana nafnata takis. Nu, salo ka mae iheire eghu si mare takis igrea? Salo ka mae khulumono gre, ba salo ka keha naikno delei?”

Nehemaea 5:4

Eghuteuna kehare ne cheke eghu, “Ghehati jaola mala kaoni ka kherami re mala foli takis ka king maladi glose nei nomi nagare grep teu igre.

Esra 9:7

Funu ka naranedi kuꞌemi tifa ra tela ghilei mei posa ka narane gognarogne, thofno nabami fara te papara fara eidi nakhibomi igre. Naugna nakhibomi ghehati igre, iagho lisei lao ghami baludi nomi king nei nomi pris teu igre ke paridi nodi nolaghi nomi naoka gre. Mae naoka igre aknu falehe keha ka ghehati, eghuteuna hata kehare mala loku jateula naikno sneka eghu, eghuteuna mare blau nomi gobigna lepo ghehati re. Mare famamaja ghami fara ghehati, glepo igre edi fabrahu la ghilei mei posa ka narane gognaro gne.

Esra 4:13

“King, te mala laseni iagho na jame teke loku fapulo mare namono igne na, eghuteuna loku fagnafa mare gringni thina igne teuna, mare ginauna na theome foli mei thua nafnata takis igre ka iagho, eghuteuna iagho ginauna ari kmoꞌe ka sileni te mala loku ka nou kantri na.

Diutronomi 17:15

Jame te eghu na, ghotilo filo fakelini mae ihei Lord nomi God kolho te vahini na. Ghotilo mala vahini kaisei maegna Israel ka themi, mana theome maegna ka namono delei te mala au nogna nolaghi te mala funei fruni ghami ghotilo na.

Luku 20:21

Aonu mae teke kuru mei mare igre ne cheke eghu ka mae Jisas, “Velepuhi, ghehati lasedi unha te chekedi nei farirhiudi teu iagho igre thofno tutuani fara. Eghuteuna iagho theome mhaghudi unha nafnata gaoghatho eimu iagho te edi naiknore. Naugna naikno te kmanare kaisei nanaba ngala ka iagho. Nu iagho toutonuni kolho unha te tutuani eigna puhigna God.

Luku 20:23

Nu mae Jisas ne kulu lasedi nodi saosagro mae igre ne cheke eghu ka mare,

Luku 23:2

Kate posa jare na, mare ne funu vuavuha cheke eigna mae Jisas. Mare ne cheke eghu ka mae Paelat, “Ghehati lasenihi puhigna mae igne, mana batu fadiꞌadi nei chaghidi naiknore mala thosei foli takis ka Sisa, king biꞌogna Rom. Mana jaola kiloni thegna ‘Kraes’, kaisei mae king biꞌo.”

Letas Teke Riso Tei Mae Pol Ka Khiloau Rom 13:7

Ghotilo mala foli sopai nafnata takis leghuni unha te chekeni vetula na. Eghuteuna ghotilo mala ghatho tahudi mae biꞌo re eghuteuna fafnaknodi nabadi mare hui.