Luku 20:20 - Buka Blahi Ka Cheke Holo

²⁰ Naugna igne, mare ne ofoni thofno narane te mala lokini mana na. Aonu mare ne folidi keha mae mala chaghi nei ghusna keha gusna, nei saosagroni mana eghu mala tangomana mare te snakre laoni mae Jisas ka nogna nolaghi mae gavana.

Luku 20:20 ပူးပေါင်းရင်းမြစ်များ

Luku 11:54

Mare ne fariuriu saosagroni mae Jisas mala cheke fajafra mana.

Matiu 27:2

Hatimare haru fodu phei khamegna mae Jisas re hata ne tei ka mae Paelat, mae gavana.

Profet Jeremaea 11:19

Iara theome laseni gaoghatho te diꞌa te eni mare ranghi ghau iara igne! Iara jateula sipu ikoi te atha te tei mare te mala falelehe ia eghu kolho. Mare roghe ne cheke eghu, “Mei ghotilo mala falehe tahati mae igne, mala jateula gaju te kato soru te goigoni fuꞌagna ra eghu. Tahati na faleheni mae igne mala theo kaisei naikno teke ghathoni mana na.” Aonu mana ne cheke eghu,

Nodi Khoje Hatimare Mae Jiu 81:15

Uve, jame fanomho koba nogu naikno re ka iara meuna, iara ginauna na famamhagudi naikno te tirodi ghau iara gre. Eghuteuna iara ginauna paradi fabrahu naikno te diꞌa tuare.

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.

Luku 20:26

Hatimare ne jaglo nodi fara ka nogna cheke tughu mana igne ne theome ghagri kaisei cheke. Aonu mare ne theome tangomana te chaghini mae Jisas ka unha te chekedi mana ke uludi naiknore.

Nonomho Te Keli Teke Risoi Mae Mak 3:2

Aonu keha naiknore magnahagheni te fathoethokeni mae Jisas. Mare ne thono filo leghuni mana glahula me fakelini mana mae te lehe khamegna na kau narane Sabat.

Profet Jeremaea 20:10

Iara nomhidi naiknore buiburi eghu eigu iara, “Mae profet igne chekedi koba glepo te mhaghudi tahati te au falithui ghita igre. Tahati na kiloni mana ka nangha igne, Namhaghu na Aufalithui Heva Heva! Tahati na tei cheke ka mae biꞌo ra!” Mae kheragu iara gre jaola ofo ghau iara te mala eni iara unha glepo te jafra na ne cheke eghu fabrahu, “Tahati na saosagroni mana mala tangomana tahati te uluni mana na, eghuteuna ke tughu fapulo unha teke edi mana ka tahati ra eghu.”

Profet Jeremaea 18:18

Naiknore ne cheke eghu, “Tore, tahati na hironi kaisei nabrou te mala fadiꞌani mae profet igne. Nogna cheke mana igre theome tutuani. Mae pris igre ginauna au baluda fabrahu te mala farirhiu ghita na. Eghuteuna mae glalase igre ginauna au baluda fabrahu te mala tusu ranghi ghita gaoghatho te keli na. Eghuteuna noda mae profet tahati igre jaola au baluda te mala toutonu ranghi ghita nodi cheke hatimare mae profet ra. Eghume tahati tiroda fanomho ka nogna cheke mae Jeremaea igre.”

Nodi Khoje Hatimare Mae Jiu 66:3

Tahati cheke eghu ka God, “Gobigna lepo te edi iagho re thofno keli fara, nou nolaghi iagho na biꞌo e salaꞌui, nou naoka iagho re ne mhaghu nodi ne tufru soru, ne ghatho tahu nigho.

Nodi Khoje Hatimare Mae Jiu 38:12

Iheire te magnahaghei falehe ghau iara re lilisei phighoro mala fakhale ghau iara. Iheire te magnahaghei goigoni ghau iara re mare cheke fapari ghau iara. Eghuteuna leuleghu fata na mare theome gnafa te gaoghatho te mala eni ranghi ghau iara puhi te diꞌa na.

Fapea Samuel 14:2

Aonu mana ne fatei cheke ka namono Tekoa mala hata mei kaisei naikno biꞌo. Naikno biꞌo igne fnakno fara eigna naꞌa autagna keha famane gaoghatho te keli. Kate posa mei naikno biꞌo igne, mae Joab ne cheke eghu ka naꞌa, “Iara magnahaghei nigho iagho te jateula te diꞌanagnafa nei tanhi teu iagho ka kaisei naikno te lehe ia eghu. Iagho ginauna pipichi pohe mala giugilu ra, eghuteuna iagho thosei ghiha oel ka khaklamu nei thinimu teu are. Iagho mala jateula gaꞌase te tanhi kmana narane eigna kaisei naikno te lehe ia eghu.

Profet Daniel 6:4

Keha phei mae funei igre, baludi mae minista te gnafa igre ne fariu riu hirodi keha najafra ka nogna gloku mae Daniel re. Nu mare theome tangomana te filoni kaisei najafra ka nogna gloku mana igre. Naugna nogna gloku manare thofno keli fara. Mana theome tangomana te chaghi na, ba te eni kaisei najafra na.

Luku 20:21

Aonu mae teke kuru mei mare igre ne cheke eghu ka mae Jisas, “Velepuhi, ghehati lasedi unha te chekedi nei farirhiudi teu iagho igre thofno tutuani fara. Eghuteuna iagho theome mhaghudi unha nafnata gaoghatho eimu iagho te edi naiknore. Naugna naikno te kmanare kaisei nanaba ngala ka iagho. Nu iagho toutonuni kolho unha te tutuani eigna puhigna God.