Luku 2:33 - Buka Blahi Ka Cheke Holo

³³ Idogna kmagna eghu mae Jisas re ne jaglo nodi ka unha te chekedi mae Simion eigna sua igne.

Luku 2:33 ပူးပေါင်းရင်းမြစ်များ

Luku 2:48

Ka vido tuana, idogna kmagna mana re jaola ne jaglo nodi fara kate filoni mana na. Aonu, idogna na ne cheke eghu ka mana, “Thuguo, naugna unha site eni iagho ka ghepa ignea? Ghepa kmamu ne nanga nomi fara ne hiro nigho iagho.”

Profet Isaia 8:18

Tore! Ghotilo fanomho fakeli! Lord mae ihei te au nolaghi fateote'o igne mana au ka Thogele Saion, eghuteuna mana noda king tahati. Iara au agne baludi goro sua teke tusu mei Lord ka iara igre, eghuteuna mana vahi ghami ghehati mala jateula kaisei fagaglana eghu mala tangomana ghotilo naiknomi Israel ra te filoni na.

Matiu 8:10

Kate nomhini cheke igne, mae Jisas ne jaglo nogna fara ka mana. Mana figri ne cheke eghu ka naikno teke leghuni mana re, “Icho idomi! Tuani fara, te chekeni iara ka ghotilo na, iara neke theome filodeni kaisei naikno te biꞌo nogna fatutuani na jateula mae igne eghu agne Israel.

Matiu 12:46

Kate facheke teu mae Jisas ka naiknore, idogna nei thabusigna teu mana re ne posa mei kegra neu kosi. Mare magnahaghei te mei cheke ka mana.

Luku 9:43

Naiknore ne kafe jaglo nodi fara kau nogna nolaghi biꞌo God na. Kate kafe jaglo nodi fara teu naiknore ka unha te edi mae Jisas igre, mae Jisas ne cheke eghu ka nogna mae fanomhore,

Luku 20:26

Hatimare ne jaglo nodi fara ka nogna cheke tughu mana igne ne theome ghagri kaisei cheke. Aonu mare ne theome tangomana te chaghini mae Jisas ka unha te chekedi mana ke uludi naiknore.

Luku 2:18

Eghuteuna mare te gnafa na nomhini igne ne jaglo nodi fara ka unha te toutonu mae greireghi sipure.