Luku 2:14 - Buka Blahi Ka Cheke Holo

¹⁴ “Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Luku 2:14 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 5:1

Naugna tahati neke fatutuani ni God, mana la fadoglo ghitahi ke ulugna thegna. Tutuani, noda Lord Jisas Kraes neke togho ghita mala au tahati kau pharikeli balugna God.

Luku 19:38

Hatimare ne cheke eghu: “God, fablahini mae funei igne! Mana te mei ka nanghagna Lord God!” “Pharikeli nei siasiglagna nogna nolaghi biꞌo God te au ka maloa kligna!”

Kolose 1:20

Tifa na, tahati nei gobigna lepo te au ka nauthoglu igne ba kligna theome au ka pharikeli balugna God. Eghume God neke eni kaisei nabrou mala eꞌei pharikeli balugna mana kate snakreni mae Kraes mala lehe ka gaju fafatha jateula kaisei fafara. Ka nogna gloku mae Kraes, God neke salofodu gobigna lepo kligna ba pari mala ke kaisei fapulo ka thegna.

Luku 1:79

Na phae jateula naprai eghu ka tahati te au kate romno, nei au ke parigna naungogna u glehe. Mana ginauna na batu fadoglo ghita kau nabrou te mala hatini tahati u pharikeli na.”

Thakle 5:13

Aonu iara ne nomhidi gobigna lepo teke vuavuha God te au kligna ba ka nauthoglu igne ba ka namonodi iheire tekela lehehira ba ke lamna thongna. Mare ne kafe koje eghu, “Tahati cheke fakelini fabrahu mae ihei te gnokro ka nogna sape nafnakno mae King na nei balugna mae Lam tifa tifa. Tahati fafnaknodi phiamare nei pala haghe nanghadire, nei cheke fakelini nodi nolaghi te biꞌo nei nanheta.”

Profet Isaia 57:19

Neuba ghotilo ne tei au kate khaba, ba au kate namo, iara magnahaghei ghami ghotilo te au ka pharikeli. Uve, iara ginauna togho ghami ghotilo mala ke pulo mei.

Mae Khuru 10:36

Ghotilo lasenihi God neke cheke thakleni ka naiknodi Israel re u Nonomho te Keli na mala au tahati kau pharikeli balugna God. Naugna nogna gloku mae Jisas Kraes, mae ihei te funei frunidi naikno te gnafare.

Jone 17:4

Iara na fatakleni nou nolaghi biꞌo iagho na ka naiknogna nauthoglu igne. Eghuteuna iara la loku fahuidihi gobigna lepo mala edi iara teku iagho ra.

Fapea Tesalonika 2:16

Ghehati tarai ka noda Lord Jisas Kraes thegna nei God Kmada mala fameomego ghau nei farheta ghau ka gobigna lepo te keli te edi ba chekedi ghotilo re. God neke namha ghita nei ka nogna khokofakasai na mana tusu ranghi ghita grouronu te keli nei fameomego ghita fabrahu tifa tifa.

Filipae 2:11

Eghuteuna mare ginauna kafe cheke eghu, “Mae Jisas Kraes na mae funei.” Eghuteuna mare ginauna kafe cheke fakelini nanghagna God Kmada.

Luku 3:22

eghuteuna Tharunga te Blahi na ne soru mei ke kligna gna mana jateula balhu neu. Kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”

Matiu 21:9

Aonu kehare tei ke ulugna mae Jisas. Eghuteuna kehare mei ke leghugna mana. Mare kafe thagru, ne cheke eghu, “Hosanna! Kilo fnaknoni vikegna mae Devet!” “God fablahini mana te mei ka nanghagna Lord!” “Kilo fnaknoni God te au kligna!”

Profet Isaia 49:13

Maloa ghe nauthoglu, ghopa glealeꞌa balu eha fabiꞌo! Ghotilo thogele ra, ghotilo koje! Naugna Lord ne faglealeꞌa ghami ghehati nogna naiknore, mala glealeꞌa. Uve, mana ginauna kokhoni ghami ghehati iheire te au papara fara.

Efesus 1:9

Mana neke enihi unha teke ghathoni thegna na. Uve, mana neke falalase ka tahati gaoghatho teke poru teku igne, eigna mana neke kulu ghathoni igne tifa mala kaputu ka mae Jisas Kraes.

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Profet Isaia 44:23

Ghotilo gobigna lepo ka maloa ra, nei ghotilo gobigna lepo ka nauthoglu ra eghu koje balu glealeꞌa! Ghotilo thogele nei gaju fateote'o teura, ghotilo jaola glealeꞌa balu eha fabiꞌo! Ghotilo kilo fnaknoni Lord, naugna Mana neke fakarhidi nogna naiknore neke fakakhana nogna nolaghi na ranghini Israel.

Filipae 2:13

God na loku balumi ghotilo nei togho ghami ghotilo eghu naugna mana magnahaghei te edi ghotilo unha te magnahaghedi thegna re.

Efesus 2:7

Eghume, gaoghatho teke eni mana igne tangomana te falase ghita tifa tifa nogna khokofakasai biꞌo nei nogna thotogho ka tahati naugna mae Jisas Kraes.

Efesus 2:4

Nu neuba, tahati nabada te lehe naugna u nakhiboda, God neke kokhoni ghita fara nei namha ghita fara.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Profet Maeka 5:5

Igne puhi nate fakarhi ghita king ka khamedi naiknodi Asiria, mala ke pulo mei tahati ka namono na au te keli. Kate jajagha te mei armi gna Asiria ka noda kantri tahati gne te funu atha noda vido keli aheva te mala poru tahati igre, tahati ginauna kuru tei noda kmana famane lida tahati igre baludi noda soldia te gnafa tahati igre mala magra ka mare. Eghuteuna naugna te nheta fara noda soldia ka magra, mare ginauna uluni Asiria ka nogna glose Nimrod. Lord ginauna fakarhi ghita, nu mana ginauna jaola paradi maedi Asiria.

Luku 2:13

Eghuteuna kaisei tothoghei engel gna kligna ghosei ne mei ne salo fodu balugna engel au tekeu jare na ne kafe koje kilo fnaknoni God, ne cheke eghu,

Luku 2:15

Ka teke pulo engel re kligna na, mae grereighi sipure ne cheke eghu fari thedi, “Tahati na tei Betlehem, mala filodi glepo igre. Tahati na filoni glepo te cheke ranghi ghita Lord igne.”