Luku 19:47 - Buka Blahi Ka Cheke Holo

⁴⁷ Leuleghu narane na mae Jisas farirhiudi naiknore ke lamna Sugablahi. Nu hatimare mae pris ulu, nei mae velepuhigna vetula nogna mae Moses, nei mae mala baubatu ka naiknore eghu ne fariuriu hara keha phoge mala faleheni mana.

Luku 19:47 ပူးပေါင်းရင်းမြစ်များ

Nonomho Te Keli Teke Risoi Mae Mak 11:18

Hatimare mae pris ulu nei hatimare mae velepuhigna vetula nogna mae Moses teure ne nomhini igne, ne funu hiro phoge mala faleheni mae Jisas. Nu mare theome raꞌe franeni mana, naugna kmana naikno na mare thono jaglo nodi fara ka nogna farirhiu mana re.

Matiu 26:55

Mae Jisas ne cheke eghu ka naiknore, “Ba, ne mae blau iara eghu mei balu naflahi nei nanala eghu mala mei loki ghau iara si ghotilo ia? Leuleghu narane iara gnokro farirhiudi koba naiknore ke lamna Sugablahi, nu ghotilo theome mei loki ghau ngala iara jare.

Jone 18:20

Mae Jisas ne cheke eghu ka mana, “Iara neke famane cheke ke uludi naiknore. Eghuteuna iara neke farirhiu koba ke lamna suga tharai, nei ke lamna Sugablahi, ka vido aheva te kafe khapru teu mae Jiure. Tutuani, iara neke theome cheke poruni kaisei glepo.

Jone 10:39

Hatimare mae Jiu neke fariuriu lokini mae Jisas, nu mana ne rikhadi mare.

Jone 7:44

Keha naiknore ne magnahaghei lokini mana, nu theo kaisei naikno te frane te habo lao ka mana na.

Jone 7:19

Mae Moses neke tusu ari ka ghotilo u vetula na, nu theo kaisei ka ghotilo te leghuni u nogna vetula mana na. Naugna unha site fariuriu falehe ghau iara ghotilo gnea?”

Nonomho Te Keli Teke Risoi Mae Mak 14:1

Phia narane te au na ame thokedi nga narane Gaghamu Ghasa-Polho ghe Gaghamu gna Bret te Theo Isi gna na. Hatimare mae pris ulu nei hatimare mae velepuhigna vetula nogna mae Moses teu gre fariuriu hiro puhi poru te mala lokini mae Jisas te mala faleheni mana na.

Nonomho Te Keli Teke Risoi Mae Mak 12:12

Mae biꞌodi mae Jiu gre magnahagheni fara te lokini mae Jisas, naugna mare laseni cheke naba te eni mana igne chekedi kolho mare. Nu mare ne mhaghudi naiknore, aonu mare jifla kokoni mana ne tei nodi.

Matiu 21:23

Mae Jisas pulo ka Sugablahi na Jerusalem ne farirhiudi naiknore. Kate farirhiu teu mana jare na, mae pris ulu nei mae biꞌo mala baubatudi naiknore eghu ne mei ka mana. Mare ne ghusna eghu ka mana, “Ghema, unha nafnata nolaghi site au ka iagho te edi iagho glepo igrea? Eghuteuna mae ihei teke tusu ari nolaghi ka iagho na?”

Nonomho Te Keli Teke Risoi Mae Mak 14:49

Leuleghu narane na iara au ngala balumi ghotilo, farirhiu ngala ke lamna Sugablahi, eghuteuna ghotilo theome loki ghau ngala iara jare. Nu glepo igre edi mala horoghoto kau grioriso te blahi ia.”

Luku 19:48

Nu naiknore ne magnahaghei fanomho ka mana ne keli tadi ka gobigna lepo te chekedi mana re. Aonu mae pris ulu nei mae velepuhigna vetula nogna mae Moses, nei mae mala baubatu eghure ne theome filoni kaisei nabrou te mala faleheni mana na.

Luku 20:19

Hatimare mae velepuhigna vetula nogna mae Moses nei hatimare mae pris ulu teu igre laseni nogna cheke mae Jisas igne khogla chekedi kolho mare. Aonu, mare hiro phoge mala ghosei lokini mae Jisas. Nu mare mhaghuni unha nate eni naiknore.