Luku 19:41 - Buka Blahi Ka Cheke Holo

⁴¹ Kate mei namo te filo laoni Jerusalem, mae Jisas ne kokhoni nognadi naiknogna namono tuana ne tanhi.

Luku 19:41 ပူးပေါင်းရင်းမြစ်များ

Jone 11:35

Mae Jisas ne tanhi.

Profet Jeremaea 17:16

Nu neuba, iara theome babaꞌo te reireghidi nou naikno iagho igre, eghuteuna iara theome magnahagheni kaisei puhi biꞌo te thokedi mare na. Cheke te gnafa te chekedi iara igre iagho kafe lasedi gnafa.

Nodi Khoje Hatimare Mae Jiu 119:158

Kate filodi iara mae iheire tirodi fatutuani gre, iara diꞌatagu fara ka mare, naugna mare ne tirodi leghudi nou cheke iagho re.

Nodi Khoje Hatimare Mae Jiu 119:136

Kate filodi iara naikno te theome leghudi nou famane farirhiu iagho re, iara ne diꞌa nagnafagu fara ne tanhi.

Profet Jeremaea 13:17

Nu jame te theome nomhini ghotilo cheke igne na, iara ginauna tei ka vido aheva nate theo kaisei naikno te filo ghau iara na mala tanhi ghami ghotilo. Naugna ghotilo ne fahaehaghe fara. Iara ginauna tanhi nogu fara, eghuteuna kholodi phei tathagu iara igre ginauna oro soru ka tathagu nei foflogu teu iara gre, naugna noda naoka tahatire ginauna mei ulu ghita tahati, eghuteuna mare ginauna atha fajifla ghita ka noda namono igne mala tei au ka keha kantri delei.

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.

Nodi Khoje Hatimare Mae Jiu 119:53

Iara ne thono diꞌatagu fara kate filodi iara naikno te diꞌa te theome leghudi nou cheke iagho re.

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Fapea Kings 8:11

Mae Elisa ne filo tutu ka mae Hasael ne ghilei mamaja nogna mana. Eghuteuna mae Elisa ne funu tanhi.

Profet Isaia 22:4

Eghume, te chekeni iara ka ghotilo na, ghotilo thosei fariuriu fameomegoni nagnafagu iara gne. Ghotilo lisa ghau iara mala tanhidi iara puhi te goigonidi mae naoka gre kherada tahati ra.

Profet Isaia 28:21

Lord ginauna goigoni ghami ghotilo jateula teke eni mana tifa Filistia ka thogele Perasim nei ka naiknodi Amo ka sare biꞌo Gebiꞌon. Gloku teke ghathoni mala eni teku igne, filogna na ginauna thono jafra ka unha teke filodi ghotilo tifa ra.

Luku 19:42

Mae Jisas ne cheke eghu, “Thofno keli fara jame te filo glanini ghotilo gognarona puhi te mala batuni naikno te tei kau pharikeli na. Nu ghotilo theome tangomana te filo glani na eghu, naugna poru ka ghotilo.