Luku 19:4 - Buka Blahi Ka Cheke Holo

⁴ Aonu, mana chari ulu ka naiknore ne tei apla ka gaju te kiloi sikamo mala filoni mae Jisas te liu jare na.

Luku 19:4 ပူးပေါင်းရင်းမြစ်များ

Profet Isaia 9:10

“Neuba mae naoka gre ne mei paꞌe soru nomi suga ghehati teke horo ka brik igre, nu ghehati ginauna nake horo fapulo suga igre ka thina te maku. Eghuteuna neuba mae naoka igre ne mei hata koko gaju teke sutu haghedi nomi suga ghehati igre, nu ghehati ginauna nake tughu ka khegra majaghani te thofno keli fara.”

Luku 5:19

Nu hatimare ne theome tangomana te filoni heva te snagla te mala hatani mana te ruma lamna naugna ne kmana naikno fara. Aonu mare apla ne haghe ke tagru suga ne hohoro kaisei khora ghoghodogna te au mae Jisas na. Eghume mare ne haru sape na ka phukri ne farurhuni mana ne soru ke ulugna mae Jisas.

Ululahu Kronikols 27:28

Mae Baal-Hanan maegna ka namono Geda, mana mae mala fiofilo nagare oliv nei nagare gaju sikamo te au ka thogele ke mosu. Eghuteuna mae Joas mae mala fiofilodi chogho te lilisei oliv oel.

Ululahu Kings 10:27

Ka narane te king mae Solomon igre, silva na kmana fara jateula goro thina eghu Jerusalem. Eghuteuna thaba te edi mare ka gaju sida na kmana fara, jateula thua nafnata thaba te fiti kotu tafri ka pesi thogele ra eghu.

Profet Emos 7:14

Nu iara ne cheke eghu ka mana, “Nogu gloku iara na theome jateula nodi gloku mae profet ra eghu. Theo. Iara mae mala reireghi buluka nei nogu sipu gre eghu, eghuteuna iara reireghidi kolho nogu nagare gaju fig teu igre.

Nodi Khoje Hatimare Mae Jiu 78:47

Mana neke kuru mei aes neke soru mei jateula nakhete neku neke lehe fahui nodi grep nei gaju fig teu re.

Fapea Kronikols 1:15

Ka narane te king mae Solomon igre, silva nei gol teu igre kmana fara jateula te fiti thina ra eghu kolho ka namono biꞌo Jerusalem. Eghuteuna horo thaba ka gaju te kiloi sida te kmana fara jateula te fiti gaju te kotu tafri ka nohi Juda ra eghu.

Fapea Kronikols 9:27

Ka narane te king mae Solomon igre, silva na kmana fara Jerusalem jateula te fiti thina ra eghu kolho. Eghuteuna mana edi kmana thaba fara ka gaju sida jateula thua nafnata thaba te kotu tafri kolho ka thogele ra neu.

Luku 17:6

Mae Jisas ne cheke eghu ka mare, “Neubane ikoi fara nomi fatutuani ka God na ne jateula sisi gaju mastad neu, ghotilo tangomana te cheke eghu ka gaju biꞌo na, ‘Krathu balu glathimu tei kegra ka thongna gno’ teu ghotilo na, gaju biꞌo tuana ginauna leghuni unha te chekeni ghotilo na.

Luku 19:3

Mana magnahaghei te filoni mae Jisas fara. Nu mana theome tangomana te filoni mae Jisas farihoteigna nakhapru na. Naugna mana ne sokmo fara.

Luku 19:5

Kate mei thoke mae Jisas ka vido tuana, mana filo haghe ne filoni mae Sakias na, ne cheke eghu ka mana, “Sakias, faghose soru mei! Iara gognarogne na ari balumu ka sugamu iagho na.”