Luku 19:39 - Buka Blahi Ka Cheke Holo

³⁹ Keha mae Farasi nomhini igne ne cheke eghu ka mae Jisas, “Velepuhi, chekedi nou mae fanomho are mala thosei chekedi mare glepo igre!”

Luku 19:39 ပူးပေါင်းရင်းမြစ်များ

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Jemes 4:5

Unha te chekeni ka grioriso te blahi na ia thofno tutuani fara eigna God neke snakre meini mae Tharunga te Blahi na ka tahati mala au ke lamnada tahati na thofno magnahaghe ghita tahati te mala leghuni kolho mana. Nu neuba ngau, keha ka ghotilo leghuni gaoghathogna naikno kolho. Nu God tusu ranghi ghami ghotilo nogna thotogho na, mala tangomana ghotilo te hogri nagnafa na. Naugna igne, grioriso te blahi na thofno tutuani fara te chekeni igne, “God theome magnahagheni ihei te fahaehaghe na. Nu toghoni ihei te nhaꞌa faparini thegna na.”

Jone 12:19

Mae Farasi gre ne filodi naikno te keli tadi ka mae Jisas te kafe khapru ka mana re. Aonu, mare ne nanga nodi fara ne cheke eghu fari thedi, “Filo si ghotilo, unha puhi te edi tahati igre ginauna theo nafudi kolho, naugna naikno te gnafare la kafe tei leghuni mana!”

Jone 12:10

Eghuteuna mae pris ulure ne hiro phoge mala faleheni la mae Lasaros.

Profet Isaia 26:11

LORD! Iagho ghae haghehi khamemu na paradi mare, nu mare theome tangomana kolho te filo glani na. Falase ranghidi sagho puhimu iagho te ghatho tahudi nou naiknore igne, mala mamaja nodi naikno te leghudi puhi te diꞌa igre. Eghuteuna iagho mala gahudi ka khaꞌaghi teke kulu tarabanahi iagho maladi nou naoka re teku ia.

Matiu 2:7

Ke leghugna igne mae Herod ne kilo fodudi mae phosa teke mei funudi ke maghatire ne faidu poru baludi mare, mala lase fakelini ka mare u thofno narane teke thaklegna u nathunu na.