Luku 18:39 - Buka Blahi Ka Cheke Holo

³⁹ Naikno te au ului ka thei na ne cheke ka mae te dofu na mala megei. Nu mae te dofu na ne tirogna fanomho ka mare ne eha eghu fabiꞌo fara, “Vikegna mae King Devet, kokhoni ghau iara!”

Luku 18:39 ပူးပေါင်းရင်းမြစ်များ

Nodi Khoje Hatimare Mae Jiu 141:1

Lord God, faghose mei togho ghau. Fanomho mei kate kilo ari nigho iara na.

Luku 18:15

Keha naiknore hata ne mei ka mae Jisas thudire mala fablahidi mana. Eghuteuna kate filoni mae fanomhore igne, mare ne chekedi naiknore mala thosei eni igne.

Fapea Korin 12:8

Iara neke thilo fata toreni Lord mala hata fadelei ka iara puhi biꞌo igne.

Luku 19:39

Keha mae Farasi nomhini igne ne cheke eghu ka mae Jisas, “Velepuhi, chekedi nou mae fanomho are mala thosei chekedi mare glepo igre!”

Luku 18:38

Mae te dofu na funu eha fabiꞌo eghu, “Jisas! Vikegna mae King Devet! Kokhoni ghau iara!”

Luku 18:1

Kaisei narane ke leghugna igne, mae Jisas ne toutonu ka nogna mae fanomhore kaisei cheke naba mala theome babaꞌo mare nu mala tarai fabrahu eghu.

Luku 11:52

“Puhi biꞌo ka ghotilo, mae velepuhigna vetula nogna mae Moses ra! Naugna ghotilo ne pophoru ki gna suga te mala filo glanini puhigna God na. Eghuteuna ghotilo themi na theome nanga nomi kolho la te mala ruma ka suga tuana, nei ghotilo fanogradi naikno te fariuriu ruma lamna.”

Luku 8:49

Kate facheke nga teu mae Jisas ka naꞌa na, kaisei mae ne mei ka mare funu ka sugagna mae Jaerus mae biꞌo gna suga tharai na. Mana ne cheke eghu ka mae Jaerus, “Ghema, thumu gaꞌase iagho na la lehehi! Thosei fagloku biꞌoni mae velepuhi na.”

Matiu 7:7

Mae Jisas ne cheke eghu, “Heta, thosei khusu thore na, God ginauna na tusu ari ka ghotilo. Thosei khusu te hiro glepo ka God na, eghuteuna ghotilo ginauna na ludeni. Ghotilo mei mala kikidi ka nogna grengatha mana na, mana ginauna tora ranghi ghami ghotilo.

Matiu 8:26

Ka vido tuana mae Jisas ne cheke eghu ka mare, “Thosei mhaghu, theo kaisei nafugna te mhaghu ghotilo na! Ghotilo theome biꞌo kolho nomi fatutuani na ka God.” Mana kegra haghe ne cheke eghu faheta ka nuri na, “Beata sagho!” Eghuteuna ke jaola ka galore mala sola. Ka vido tuana nhorora na ne lehe soru ne beata fara.

Matiu 9:27

Kate jifla mae Jisas ka vido tuana, phei mae te dofu ne funu leghuni mana ne eha eghu ka mana, “Iagho vikegna mae King Devet, kokhoni ghami ghepa!”

Luku 18:40

Mae Jisas nomhini igne ne kegra snoto ne cheke eghu ka mare, “Hata mei mae te dofu ana ka iara!” Kate mei namo mana na, mae Jisas ne cheke eghu ka mana,