Luku 18:28 - Buka Blahi Ka Cheke Holo

²⁸ Mae Pita ne cheke eghu ka mana, “Filo sagho, ghehati jifla kokodi nomi gobigna lepore mala leghu nigho iagho!”

Luku 18:28 ပူးပေါင်းရင်းမြစ်များ

Filipae 3:7

Tifa na glepo te chekedi iara igre neke kafe keli ngala ka iara. Nu gognaro na glepo tuare theo kaisei nafudi ka gaoghathogu iara na, naugna gognaro na iara fatutuani ni kolho mae Jisas Kraes.

Nonomho Te Keli Teke Risoi Mae Mak 10:28

Mae Pita kegra haghe ne cheke eghu ka mana, “Filo sagho, ghehati gne jifla kokodi nomi gobigna lepore mala leghu nigho iagho.”

Matiu 19:27

Mae Pita ne cheke eghu ka mana, “Lord, ghehati neke lisei soru nomi gobigna lepore mala leghu nigho iagho. Eghume unha nate hatini ghehati na eghu?”

Luku 5:11

Aonu mare pala famata phia nodi molare ne lisei soru nodi gobigna lepore ne leghuni mae Jisas.

Matiu 9:9

Mae Jisas jifla ka vido tuana ne mei filoni kaisei mae mala salo takis, nanghagna na mae Matiu, mana gnokro neu ka vido mala foli takis naiknore. Mae Jisas ne cheke eghu ka mana, “Ghema, mei leghu ghau iara, iagho mala nogu mae fanomho iara.” Aonu mae Matiu ghosei ne kegra haghe ne leghuni mae Jisas.

Jone 19:27

Aonu mana neke cheke eghu ka nogna mae fanomho tuana, “Filoni thau ana, ghathoni naꞌa jateula idomu eghu.” Funu ka narane tuana, mae fanomho igne ne tathalei idogna mae Jisas na ne tei ka sugagna na ne tajini.