Luku 17:4 - Buka Blahi Ka Cheke Holo

⁴ Te eꞌei kmana puhi diꞌa mana ranghi nigho fitu fata kaisei narane, eghuteuna fitu fata mei cheke eghu ka iagho, ‘Ghema, iara kela tughu nagnafahi’ teuna, iagho hata fadelei nakhibogna mana re.”

Luku 17:4 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 12:20

Eghuteuna u grioriso te blahi na jaola cheke eghu, “Jame te rofo nogna nou naoka na, iagho fei ghegna. Eghuteuna jame te rogna koꞌu na, iagho fakoꞌuni. Jame te eni iagho igne na, iagho ginauna famamajani fara mana mala ke tughu mana puhignare ka iagho.”

Matiu 6:12

Hata fadeleidi tami thua glepo te diꞌa te kela fajafra dihi jateula ngau ghehati te hata fadeleidi unha najafra teke edi fadiꞌa ranghi ghami keha naiknore.

Matiu 18:35

“Nu te chekeni iara ka ghotilo na, na jateula tuana eghu mae Kmagu iara te au kligna na ranghi ghami ghotilo te theome hata fadelei ghotilo ka nagnafamire nakhibodi kherami fofodu re.”

Matiu 18:16

Te tirogna fanomho fakeli mana ka iagho na, iagho ke pulo ka mana fapea fata na. Nu iagho toreni kaisei ba phei naikno mala tei balumu. Naugna grioriso te blahi na cheke eghu, ‘Kate fathoethoke kaisei mae eigna keha mae na, phei ba thilo naikno au balugna mana mala fanomho ka unha te chekeni mana na, nei kaisei gaoghatho ka unha te chekeni mana na.’

Matiu 5:44

Nu te chekeni iara ka ghotilo na, ghotilo mala kafe namhadi nomi mae naokare, nu taraidi naikno te para ghami re eghu.

Luku 17:5

Hatimare mae khurure ne cheke eghu ka mae Jisas, “Lord, farerhetadi nomi fatutuani gre.”