Luku 16:3 - Buka Blahi Ka Cheke Holo

³ “Mae funei gloku na ne cheke eghu ka gaoghathogna thegna na, ‘Na faꞌunha eghu si iara gnea tore? Nogu mae funei iara gne ginauna na fagnafa ghau iara ka nogu gloku gne. Iara gne theome nheta te mala loku ka nagare te mala hata sileni na, eghuteuna iara mamaja nogu fara te tore sileni ka naiknore.

Luku 16:3 ပူးပေါင်းရင်းမြစ်များ

Fapea Tesalonika 3:11

Ghehati chekeni igne, naugna ghehati nomhidi keha naikno ka ghotilo tirodi loku fara. Mare theome eni kaisei unhanga. Nu mare farugusidi thedi ka nakarhadi keha naiknore.

Mae Khuru 3:2

Kaisei mae te lehe ghahegna na funu suagna na, mana gnokrou jare ka grengathagna Sugablahi te kiloni mare, “U grengatha khuakhuda.” Leuleghu narane na mae kheragnare pala tei koba jare mala tore sileni ka naikno te tei tarai ka Sugablahi na.

Jone 9:8

Aonu keha naiknore ne filoni mae igne teke tore sileni ka naiknore tifa na. Mare nei kheragna fofodu mana re eghu ne funu cheke eghu fari thedi, “Tore, mae te dofu igne ngala jau si mae teke gnokro koba ka geri nabrou na teke tore sileni ia?”

Luku 18:4

“Nu mae fate igne ne tirogna toghoni naikno biꞌo na. Leghu lahu na, mae fate igne ne cheke eghu ka gaoghathogna thegna na, ‘Tore, iara babaꞌo nogu fara ka unha te chekeni koba naikno biꞌo igne. Nu neuba ngau iara ne theome ghatho tahuni God nei theome ghatho tahudi naiknore neu,

Luku 16:22

“Leghu lahu na mae Lasaros ne lehe. Eghuteuna engel re palani mana ne tei mala gnokro rhegna mae Ebraham kligna. Mae dedei na jaola lehe ne giugilu.

Luku 16:20

Ka vido tuana au la kaisei mae te thono kuma fara, nanghagna na mae Lasaros, thinigna na thafru ka thubu. Leuleghu fata na mana mei gnokro koba ka grengathagna nogna suga mae te dedei na.

Luku 12:17

Aonu mae te dedei igne ne ghaoghatho eghu ka nagnafagna thegna na, ‘Tore, na faꞌunha eghu iara ginauna? Iara theo kaisei vido naba te mala liliseidi nogu bukrei gano gre. Uve, igne unha nate eni iara na. Iara ginauna paꞌe soru suga ikodi teke nanhaꞌa gano iara ke lamnadi igre, eghuteuna iara ginauna hohoro suga majaghani ke biꞌodi igrei. Ke leghugna igne iara ginauna lilisei nogu ganore ke lamnadi suga majaghani tuare baludi la keha nogu glepore.

Nonomho Te Keli Teke Risoi Mae Mak 10:46

Mae Jisas nei nogna mae fanomhore eghu ne mei posa Jeriko. Kate jifla mare jare na, kmana naikno langau ne tei baludi mare. Aonu, kaisei mae te dofu, nanghagna na mae Batimeas, thugna mae Timeas. Mana gnokro koba rhegna nabrou na mala tore sileni ka naiknore.

Profet Hosia 9:5

Te edi ghotilo puhi igre na, unha nate eni ghotilo ka gaghamu te mala kilo fnaknoni Lord na? Thono theo fara.

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Profet Isaia 10:3

Unha nate eni ghotilo kate mei Lord te roꞌe ghami na? Kate mei funudi ka kantri delei nomi naoka ghotilo re te magra ka ghotilo na, aheva nate tei poru ghotilo na? Ihei gne nate tei hironi ghotilo te mala mei togho ghami na? Aheva nate tei titifuni ghotilo nomi sileni re?

Proveb 29:21

Jame te toghoni iagho nou mae gloku na funu suagna na, mana ginauna edi kmana puhi ranghi nigho iagho kate biꞌo haghe gna na.

Proveb 20:4

Naikno te thodo na theome loku ka nagare. Aonu kate hiro gano na, mana theome deni kaisei gano kolho.

Proveb 19:15

Naikno te thodo te thuru fabrahu ka suga na ginauna theo gano.

Proveb 18:9

Naikno te thodo na jateula mae te goigonidi gobigna lepo ra eghu.

Proveb 15:19

Nakarhagna mae te thodo na jateula mae te tei ka nabrou te soro ra eghu. Nu nakarhagna mae te doglo na jateula mae te tei ka nabrou biꞌo ra eghu.

Proveb 13:4

Mae te loku heta na, mana na hata unha te magnahagheni mana na. Mae te thodo na, mana theome tangomana te hata unha te magnahagheni mana na.

Nogna Buka Esta 6:6

Aonu mae Haman ne ruma haghe lamna suga, eghuteuna mae king ne cheke eghu ka mana, “Praeminista Haman! Jame tusu lao iara kaisei nangha biꞌo ka kaisei nogu mae funei, unha glepo gne jame te tusu lao iara ka mana na?” Nu mae Haman ne cheke eghu ka nagnafagna na, “Mae ihei gne te ghathoni mae king te mala tusu lao nangha biꞌo ka mana na? Theo kaisei mae aheva nga. Kaisei iara ngala!”

Mae Khuru 9:6

Kegra haghe sagho mala tei ka namono gno. Kaisei mae jare ginauna na cheke ranghi nigho iagho unha te mala eni iagho thogheiro na.”

Matiu 20:8

“Rafi soru, mae khoto nagare na ne cheke eghu ka mae te reireghidi mae gloku re, ‘Eha meidi mae gloku ra, mala folidi nodi tabare. Iagho na fufunu folidi mae teke tei loku leghu lahu ra tei gnafa ka mae teke kulu tei loku ra.’

Luku 16:2

Mae dedei igne ne kilo meini mana ne cheke eghu ka mana, ‘Iara ne nomhi thoutonu diꞌa eimu iagho na. Falalase ka iara unha te edi iagho ka nogu sileni iara re. Iagho ginauna theome tangomana teke mala reireghidi nogu mae gloku iara re.’

Luku 16:4

Uve, iara lasenihi unha nate tarabana eigu thegu kate fagnafa ghau mare ka nogu gloku na. Iara ginauna au kheragu kmana te mala taji ghau ka nodi sugare.’