Luku 16:16 - Buka Blahi Ka Cheke Holo

¹⁶ Mae Jisas ne cheke eghu, “Tifa na naiknore neke leghuni nogna vetula mae Moses na nei chekedi hatimare mae profet. Nu funu ka mae Jone Apublahi na, mare neke toutonuni u Nonomho te Keli eigna God te funei frunidi nogna naiknore. Naugna naiknore nomhini igne, mare fariuriu fara mala ruma kau nakarha igne.

Luku 16:16 ပူးပေါင်းရင်းမြစ်များ

Matiu 21:32

Naugna mae Jone Apublahi neke mei falalasehi ka ghotilo nabrou te doglo te mala leghuni ghotilo na. Eghuteuna ghotilo theome fatutuani ni chekegna mana na. Nu hatimare mae te salo takis nei goro gaꞌase vine teu igre neke fatutuani ni mana. Ghotilo neke filonihi igne. Nu ghotilo heta ghemi ne tiromi tughu nagnafa nei fatutuanidi eghu chekegna mana re.”

Jone 1:45

Ke leghugna igne, mae Filip tei ne thafoni mae Natanel ne cheke eghu ka mana, “Ghehati la thafonihi mae ihei mae Moses teke rioriso eigna mana ka buka vetula ia, nei hatimare mae profet neke rioriso eigna la mana. Nanghagna na mae Jisas, thugna mae Josep, mae gna ka namono Nasaret.”

Luku 16:31

“Mae Ebraham ne cheke eghu ka mana, ‘Theo. Te theome fanomho la mare ka mae Moses nei ka hatimare mae profet teuna, mare na theome fanomho la ka mae iheire teke kegra fapulo ka glehe na.’ ”

Matiu 3:2

Mana ne cheke eghu ka naikno te fanomho ka mana re, “Ghotilo lilisei puhimi te diꞌare, naugna narane God nate funei frunidi nogna naiknore la namo meihi!”

Mae Khuru 3:18

Nu tifa na God neke cheke mei ka hatimare mae profet ra, eigna mae Kraes gne ginauna mala au papara. Eghuteuna ka puhi igne God ne fahoroghotoni unha teke chekeni thegna na.

Luku 16:29

“Nu mae Ebraham ne cheke eghu ka mana, ‘Mare au nogna vetula mae Moses, nei nodi grioriso hatimare mae profet ra te mala iu'iju na. Lisa laodi mala fanomho thedi ka cheke tuare.’

Luku 10:11

‘Te luti gnagnapa gna nomi namono ghotilo gne ka ghahemi ghehatire. Ghehati na ghiha koko, fagaglana gna God nate fate ghami ghotilo ginauna. Nu ghotilo lase fakelini igne: narane te funei frunidi God naiknore la namo meihi.’

Luku 10:9

Fakelidi iheire te fogra ka namono tuana, nei cheke eghu ranghidi, ‘Narane te funei frunidi God naiknore la namo meihi ka ghotilo.’

Matiu 4:17

Funu ka narane igne mae Jisas ne funu toutonuni Nonomho te Keli na ka naiknore ne cheke eghu, “Ghotilo lilisei puhimi te diꞌare, naugna narane God te funei frunidi nogna naiknore la namo meihi.”

Luku 9:2

Mae Jisas ne kuru fajifladi mae khuru re mala tei toutonuni mare nakarha te funei frunini God na, nei mala fakarhidi iheire te fogra.

Nonomho Te Keli Teke Risoi Mae Mak 1:14

Ke leghugna te lilisei mare mae Jone Apublahi kau suga sosolo na, mae Jisas tei Galili ne toutonuni Nonomho te Keli nogna God.

Matiu 10:7

Kate tei ghotilo na, cheke eghu ka mare, ‘Narane God te funei frunidi nogna naiknore la namo meihi!’

Jone 12:19

Mae Farasi gre ne filodi naikno te keli tadi ka mae Jisas te kafe khapru ka mana re. Aonu, mare ne nanga nodi fara ne cheke eghu fari thedi, “Filo si ghotilo, unha puhi te edi tahati igre ginauna theo nafudi kolho, naugna naikno te gnafare la kafe tei leghuni mana!”

Jone 11:48

Jame te lisa laoni tahati te eni fabrahu mana igne na, naiknore ginauna kafe fatutuani ni mana. Aonu, mae armi di Rom gre ginauna na mei goigoni ni noda Sugablahi gne nei goigoni nila noda namono gne eghu!”

Nonomho Te Keli Teke Risoi Mae Mak 1:45

Nu mae igne tei ne toutonu tafri eigna thoutonu igne ka naikno te kmanare. Naugna igne mae Jisas ne theome tei tafri ka keha namonore. Mana tei ne au ka vido aheva te theome tangomana kaisei naikno te au tagna na. Neuba, naiknore mei ka mana funudi heva heva ka namono te kmanare.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Matiu 15:11

Unha te nhaꞌa lao ka foflo na theome tangomana te fathonani kaisei mae. Nu unha te chekedi nei ghathodi teu mana ka nagnafagnare te fathonani mana ke ulugna God na.”

Jone 5:4

Mae ihei ka hatimare te au khabru tagna nu kulu soru kate kaplo teu kholo na teuna, mana nake keli fapulo nogna.