Luku 15:4 - Buka Blahi Ka Cheke Holo

⁴ “Jame kaisei mae au nogna kaisei gobi sipu, eghuteuna dofi kaisei, na faneha eghu mana? Mana na lisa laodi nhevasalei nheva sipu are ka thogele na mala hironighu te snivi na.

Luku 15:4 ပူးပေါင်းရင်းမြစ်များ

Profet Esikiel 34:16

Iara ginauna tei hirodi nogu sipu te snivi ra, teke tei jafra ra, teke tei tafri kolho ra, eghu mala ke pulo mei reꞌe. Eghuteuna iara ginauna nake pipiha thubu teke fnera ra mala tangomana reꞌe teke keli fapulo na eghuteuna teke nigra ra ginauna nake nheta fapulo. Nu iara ginauna aknu falehe te blokha nei nheta teu igre, naugna iara mae mala reireghi sipu ka puhi te doglo.

Luku 19:10

Iara mae teke mei funu ka God na mei mala hirodi naikno teke snivi ra mala ke fakarhidi.”

Ululahu Pita 2:25

Ghotilo tifa na jateula sipu neku neke tei snivi. Nu gognaro na, ghotilo ke pulo mei mala leghuni God, mae greireghi sipu na, thofno mae te mala reireghini nakarhami ghotilo na.

Matiu 12:11

Mae Jisas ne cheke eghu ka mare, “Jame kaisei mae ka ghotilo au nogna sipu. Eghuteuna sipu tuana snoꞌo lamna khora kau narane Sabat. Mana ginauna korho fajiflani kau khora na.

Profet Esikiel 34:31

Ghotilo nogu naikno iara. Ghotilo jateula nogu sipu eghu iara, eigna iara reireghi ghami nei faghemi gano ghotilo leuleghu narane. Eghuteuna iara nomi God ghotilo. Igne nogu cheke iara Lord God!’ ”

Nodi Khoje Hatimare Mae Jiu 119:176

Iara jateula sipu te tei snivi ra eghu la tei jafra kau nabrou te keli na. Eghume, mei sagho hiro ghau iara nou mae gloku gne, naugna iara gne theome ghatho ihoni nou vetula iagho na.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Profet Jeremaea 50:6

“Nogu naikno iara igre neke tei snivihi, jateula mae ihei te reireghi sipu teke batu fadiꞌadi teke tei snivi tafri ke kligna thogele ba gukhu te theome laseni nodi namono ra neku.

Luku 13:15

Mae Jisas ne cheke eghu ka mana, “Ghotilo gne lase chaghi fara. Ghotilo te gnafa na, neubane narane Sabat, ghotilo rurutha gnarhodi nomi buluka ba dongki re, eghuteuna batuni tei mala koꞌu reꞌe ka narane tuana.

Profet Esikiel 34:8

Iara eni kaisei nhaꞌa cheke ka nanghagu iara Lord mae ihei te karha te tifa: Lion igre ngolhidi nogu sipu iara re, eghuteuna kathu falehe ghamu ghedire, naugna theo kaisei naikno te reireghidire. Ghotilo mae mala baubatura theome reireghidi kolho nogu sipu iara re. Ghotilo khogla reireghi ghami themi kolho.

Letas Teke Riso Tei Mae Pol Ka Khiloau Rom 2:1

Ghotilo iheire te lase fate naiknora, ghotilo theome tangomana te chekeni kaisei glepo na. Kate fatedi ghotilo keha naiknore, ghotilo cheke fapari ghami themi kolho, naugna ghotilo jaola edila glepo te diꞌa te edi mare igre.

Profet Jeremaea 33:13

Eghuteuna falithuidi namono ke lamnadi thogele nei gukhu ikodi teu ke mosu, nei ka namono nagou ke mata Juda, nei ka nohi Benjamin, nei falithuidi namono rhegna Jerusalem, nei jaola ka namono te au ka kantri Juda, mae greireghi sipu igre ginauna kaha nodi sipure.” Igne chekegna Lord.

Profet Esikiel 34:4

Ghotilo theome toghodi kolho iheire te nigra mala ke nheta fapulo. Eghuteuna ghotilo theome pipiha thubudi iheire te ghoreho mala ke keli fapulo. Ghotilo theome hirodi kolho iheire te snivi mala ke hata fapulo meidi. Nu ghotilo paradi kolho mare.

Luku 15:3

Aonu mae Jisas ne cheke naba eghu ka mare,