Luku 15:31 - Buka Blahi Ka Cheke Holo

³¹ “Mae kmagna na ne cheke eghu ka mana, ‘Thuguo! Iagho au fabrahu balugu iara. Gobigna lepo te au ka iara re kafe nou iagho.

Luku 15:31 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 9:4

God neke vahidi naiknodi Israel mala jateula goro thugna eghu neku, eghuteuna mare jaola neke filoni nogna nolaghi biꞌo mana na. God neke edihi nogna nhaꞌa chekere baludi mare, eghuteuna tusu ranghidi u nogna vetula mae Moses na. Mana jaola farirhiudi thofno puhi te mala pogho soruni God na, eghuteuna mana neke nhaꞌa cheke ranghidi kmana glepo.

Letas Teke Riso Tei Mae Pol Ka Khiloau Rom 11:1

Eghume iara nake fapea ghusnai. Ba, God na susukudi nogna naikno thegna re sia? Theo! Iara gne kaisei maegu Israel, eigna iara neke karha mei ka vikegna mae Ebraham nei ka vikegna mae Benjamin.

Letas Teke Riso Tei Mae Pol Ka Khiloau Rom 11:35

“Theo kaisei naikno te tusu lao ka mana kaisei glepo te mala tusu fapulo mana tagna na.”

Luku 15:30

Nu mae thumu iagho igne neke falulhuvu fateo nou sileni iagho re ka naikno vine. Kate ke pulo mei mana ka suga na iagho ke falelehe buluka te blokha malagna mana.’

Luku 15:32

Nu ghehati neke eni gaghamu igne, mala gleale'a fodu balugna mana, naugna mae tahimu igne neke lehehi, nu gognarona kela karha fapulo. Mana neke snivihi nu gognarona kela kakhana.’ ”

Jone 8:35

Mae ihei teke karha ke lamnagna u tharakna na mana au nolaghi te mala au fabrahu ke lamnagna tharakna tuana. Nu mae sneka na mana theome au kaisei nolaghi te mala au fabrahu ke lamnagna u tharakna tuana.