Luku 15:28 - Buka Blahi Ka Cheke Holo

²⁸ “Mae tighagna na ne diꞌatagna fara ne tirogna ruma ka gaghamu na. Aonu mae kmagna na jifla ne toreni mae thugna na mala ruma ka suga na.

Luku 15:28 ပူးပေါင်းရင်းမြစ်များ

Profet Jona 4:9

Lord ne cheke eghu ka mana, “Ba, doglou kolho te diꞌatamu iagho eigna gaju vaen igne na?” Mae Jona ne cheke eghu, “Uve, doglou kolho te diꞌatagu iara na, eghume iara magnahaghei lehe nogu kolho!”

Luku 15:2

Hatimare mae Farasi nei mae velepuhigna vetula nogna mae Moses eghu filoni igne ne buiburi ne cheke eghu, “Mae igne fofodu baludi mae te diꞌa igre, eghuteuna tangomana te ghamu baludi mare!”

Luku 7:39

Kate filoni igne, mae Simon ne au gaoghathogna ne cheke eghu, “Jame thofno mae profet mae igne na, mana jame laseni puhigna thau te haboni mana igne. Naugna naꞌa kaisei naikno gnognoro fara!”

Profet Isaia 66:5

“Ghotilo naikno te leghu ghau nei ghatho tahu ghau teu iara ra, fanomho fakeli ka nogu cheke iara Lord. Naugna ghotilo ghatho tahu ghau iara fabrahu, eghuteuna keha naikno ka ghotilo theome magnahaghei te loku fodu balumi ghotilo. Eghuteuna mare maꞌe ghami ghotilo cheke eghu, ‘Snakreni Lord mala mei mana balu nogna nolaghi biꞌo mala filoni ghehati te glealeꞌa fara ghotilo na.’ Nu mare ginauna mamaja nodi fara.

Profet Isaia 65:5

Aonu ghotilo cheke eghu ka keha naiknore, ‘Ghotilo thosei mei namo ka ghehati, naugna ghehati gne thono blahi fara!’ Iara theome magnahagheni nafnata puhi te eni ghotilo igne. Uve, diꞌatagu iara ka ghotilo na thono brana fara jateula khaꞌaghi te theome lehe ia eghu!

Mae Khuru 14:2

Nu keha mae Jiu te tirodi fatutuanire ne toutonu chaichaghi ka naikno te theome Jiure mala diꞌa tadi nei theome magnahagheidi eghu mare naikno khiloau re.

Mae Khuru 13:45

Kate filoni mae biꞌodi mae Jiure te mei kmana naikno na, mare ne thono goghotu fara ka mae Pol ghe mae Banabas. Eghuteuna mare ne cheke fadiꞌadi gobigna lepo te chekedi mae Pol re nei jaola ne cheke faparini mana.

Luku 24:47

Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Luku 13:34

Aonu, mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra eghuteuna fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghignara eghu. Nu ghotilo tiromi magnahagheni ngala.

Luku 5:30

Nu keha mae Farasi nei keha mae kheradi mae velepuhigna vetula nogna mae Moses eghu ne thono buiburi fara ne cheke eghu ka nogna mae fanomho mae Jisas re, “Naugna unha site ghamu fodu ghotilo ka naikno te diꞌa mala salo takis nei keha naikno te diꞌa teu gnea?”

Matiu 20:11

Kate hata nodi silenire, mare ne diꞌa tadi ka mae khoto nagare na. Mare ne funu buiburi ne cheke eghu, ‘Mae teke tei loku leghu lahu igre mare neke loku kaisei vido narane kolho. Nu iagho folidi mare na ne nanaba ka ghehati. Eghuteuna ghehati neke loku narane tongana na ke lamnagna naprai te brana fara na.’

Ululahu Samuel 17:28

Aonu mae Eliab, mae ke biꞌogna mae Devet igne nomhini te cheke teu mana baludi mare igne ne diꞌatagna fara ne cheke eghu, “Ei, unha te mei eni iagho agne na? Mae ihei nate reireghidi nou phei thilo sipu te au teu ka namono nagoura? Iara lase nigho iagho kaisei mae diꞌa! Iagho mei agne mala filo nou magra kolho!”

Ululahu Tesalonika 2:16

Mare fariuriu lhoti ghami ghehati te mala cheke ranghidi iheire te theome Jiu mala fakarhidi. Kate eni igne, mae Jiu tuare fodu salaꞌui ka nakhibo. Eghuteuna leghu lahu na, diꞌatagna God na la meihi ke klignadi mare.

Fapea Korin 5:20

Eghume God neke kilo ghami ghehati mala toutonu eigna mae Kraes. Eghuteuna kate eni ghehati igne, jateula God thegna ngala teke ehadi naiknore mala mei ka mana. Uve, ghehati thofno tore ghami ghotilo ka nanghagna Kraes mala ke pulo mei ke au fakeli balugna God.

Letas Teke Riso Tei Mae Pol Ka Khiloau Rom 10:19

Nu iara nake fapea ghusnai, “Ba, naiknodi Israel gre theome lase fakeliniu ngala si u Nonomho te Keli gnea?” Uve, mare nomhidi nu theome fatutuani eghu. Ulu lahu na mae Moses neke cheke eghu chekegna God na, “Iara ginauna togho ghami ghotilo mala goghotudi iheire te theo kaisei nodi namono thedi. Iara ginauna togho ghami ghotilo mala diꞌatamidi naikno te theome laseni kaisei glepo na.”

Mae Khuru 14:19

Keha naikno Jiure ne mei funudi Antiok nei Aekoniam. Mare mei ne huhurudi naiknore mala thosei leghuni mae Pol. Aonu mare fadi thina ni mae Pol ne korho teini mana ke kosi namono. Mare gaoghathodi na jaula lehehi mae Pol eghu.

Mae Khuru 13:50

Nu goro mae biꞌodi Jiure ne cheke faheta ka goro mae biꞌo nei goro nakrupe eghu gna nohi tuana mala thosei leghudi mae Pol ghe mae Banabas. Mare ne funu eꞌei puhi biꞌo ranghidi mae Pol ghe mae Banabas ne brue fajifladi phiamare ka nodi nohi na.

Nonomho Te Keli Teke Risoi Mae Mak 1:40

Kaisei mae te thubu biꞌo, ka khabru te kiloi leprosi ne mei ke ulugna mae Jisas ne tuturupuku soru pari. Mana ne cheke eghu ka mae Jisas, “Mae funei, ne magnahagheni nga iagho nu, iagho tangomana teke fasalhu ghau iara na.”

Luku 15:27

Mae gloku igne ne cheke eghu ka mana, ‘Mae tahimu ia gognarona kela pulo mei. Eghuteuna mae kmamu na ne falelehe kaisei buluka te blokha ne ghamu, naugna mae tahimu na karha kela figri mei.’

Luku 15:29

Mana diꞌatagna ne cheke eghu ka mae kmagna na, ‘Filo sagho, iara loku ranghigho kmana finogha. Iara theome saosakloni kaisei nou vetula. Nu iagho theome falelehe kaisei sua sipu mala ghamu mala gleale'a iara baludi mae kheragu fofodu gre.

Profet Jeremaea 35:16

Vikegna mae Jonadab thugna mae Rekab igre, mare leghuni fabrahu cheke gna mae kuꞌedi tifa na, nu ghotilo gne theome leghudi nogu cheke iara re.’