Luku 15:20 - Buka Blahi Ka Cheke Holo

²⁰ Aonu mae sitei na kegra haghe neke figri ka mae kmagna na. “Kate gaꞌu teu mae thugna na, mae kmagna na ne efra deni te mei mana na. Mana ne kokhoni nognani mae thugna na, chari ne tei ne gefe ka fafragna na ne gnanghoni mana.

Luku 15:20 ပူးပေါင်းရင်းမြစ်များ

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Nodi Khoje Hatimare Mae Jiu 86:15

Nu Lord, iagho ngala God mae ihei te kokhonidi fara, nei namhadi fara teu naiknore. Uve, iagho thofno keli fara, eigna iagho theome ghosei diꞌatamu, nei iagho tangomana te tajini fabrahu nou nhaꞌa cheke na.

Efesus 2:13

Uve, tifa na ghotilo neke au fakhaba ka God. Nu gognaro na ghotilo kaisei balugna mae Jisas Kraes. God hata ghami ghotilo mala mei namo ka mana, naugna dadaragna Kraes teke thofa ka glehegna jateula kaisei fafara.

Profet Isaia 49:15

Aonu, Lord ne cheke eghu, “Ba, gaꞌase na tangomana te ghatho ihoni thugna te chuꞌu teuna? Ba, naꞌa tangomana te tirognani thugna teke karha ka thegna na? Thono theo fara! Nu iara jateula kaisei gaꞌase te theome ghatho ihoni thugna na ia eghu theome tangomana te ghatho iho ghami ghotilo na.

Jenesis 33:4

Nu mae Iso chari ne tei ne loku famaku ka khamegna mae Jekop na ne kubae ka mana, eghuteuna phia mare ne orio tanhi fabiꞌo.

Efesus 2:17

Eghuteuna Kraes neke mei toutonu u Nonomho te Keli eigna pharikeli maladi naikno te gnafa, ka ghotilo iheire te theome Jiu te au khaba ka God nei ka mae Jiu te au namo ka mana langau eghu.

Profet Jeremaea 31:20

Nu te chekeni iara ka ghotilo gognarona. Efrem gne thofno mae thugu iara, iara thofno namhani nei gleale'ani eghu mana. Kmana fata iara diꞌatagu fara ka mana eidi nakhibogna manare. Nu neuba, leuleghu fata na iara ghathoni mana, naugna iara namhani nei kokhoni noguni eghu mana.

Profet Isaia 57:18

Iara filodihi puhimi ghotilo te diꞌa tuare, nu neuba, iara ginauna nake fakeli fapulo ghami ghotilo. Iara ginauna na baubatu ghami nei togho ghami eghu ghotilo. Iara ginauna farerheta nagnafami ghotilore, eghuteuna ghotilo iheire te diꞌanagnafa nei tanhi teura ginauna eha nei kilo fnakno ghau iara.

Jenesis 46:29

Mae Josep ne chekedi nogna mae gloku re mala tarabana nogna chariot na mala tei thafoni mae kmagna na Gosen. Kate filoni mae kmagna na mae Josep tei ne lokini mae kmagna na ne tanhi ne tanhi.

Jenesis 45:14

Ke leghugna te cheke eghu te gnafa na, mae Josep ne loku ka mae Benjamin, mae tahigna na ne tanhi. Eghuteuna mae Benjamin ne jaola ne tanhi.

Mae Khuru 20:37

Eghuteuna mare ne kafe loku famaku ka mae Pol ne gnanghoni mana fabrahu balu tanhi, naugna mae Pol ne chekeni ka mare, mare ginauna nake theome filo tathani mana. Aonu mare ne tei balugna mana ka vaka na.

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Fapea Samuel 14:33

Aonu mae Joab tei ne filoni mae king ne chekedi ka mana unha te chekedi mae Absalom igre. Ke leghugna igne, king ne kiloni mae Absalom ne tei filoni mana. Mae Absalom tei ne pogho soru pari ke ulugna king, aonu kate kegra haghe mana na, king ne gnanghoni mana.

Luku 15:19

Iara theome nabagu te kilo ghau thumu. Nu tusu mei gloku mala loku iara jateula kaisei nou mae gloku eghu kolho.’

Luku 15:21

“Mae thugna na ne cheke eghu, ‘Mama, iara la jafra ranghini God nei jafra ranghi nigho iagho. Iara theome nabagu te kilo ghau thumu.’