Luku 15:13 - Buka Blahi Ka Cheke Holo

¹³ “Theome kmana narane ke leghugna igne, mae ke iko na ne boiboli ne tei ka namono delei. Jare mana ne chochoghei fahui gobigna lepo teke khotodi mana re ka puhi te theo nafugna.

Luku 15:13 ပူးပေါင်းရင်းမြစ်များ

Profet Jeremaea 2:5

Lord ne cheke eghu, “Unha neku iara ka kuꞌemi ghotilo tifa ra site tei koko ghau iara ghotilo gnea? Mare neke tarai ka mumuju god te theo nakarha tadi. Eghuteuna mare jateula mumuju god teke sari thedi tura neku neke jaola neke theo nafudi kolho.

Proveb 29:3

Mae te magnahaghei hata gaoghatho te keli na, idogna kmagna manare kelitadi fara. Nu mae ihei te magnahaghei tei ka thau vine na, koko fahui nogna sileni re.

Proveb 21:17

Mae te magnahaghei ghamu gano te keli koba nei koꞌu fabrahu teuna, nogna sileni mana re ginauna hui, eghuteuna mana ginauna kmoꞌe ka glepo.

Proveb 28:7

Goro sua te leghudi unha te cheke ranghidire, mare au gaoghatho te keli fara. Nu sua te fofodu ka mae te diꞌa puhidire famamajadi idogna kmagna re.

Luku 16:19

Mae Jisas ne cheke eghu, “Kaisei fata, kaisei mae te dedei na pipichi pohe keli koba. Eghuteuna mana ghamu gano keli koba leghu narane na.

Luku 16:1

Mae Jisas jaola ne cheke eghu ka nogna mae fanomhore, “Kaisei mae dedei, mana au kaisei mae mala reireghidi nogna glokure. Mare mei ne fathoethoke ka mae te dedei na, naugna nogna mae funei gloku mana na ne fadidiꞌa la nogna sileni mana re.

Luku 15:30

Nu mae thumu iagho igne neke falulhuvu fateo nou sileni iagho re ka naikno vine. Kate ke pulo mei mana ka suga na iagho ke falelehe buluka te blokha malagna mana.’

Profet Maeka 6:3

Lord ne cheke eghu, “Ghotilo nogu naikno iara! Unha nafnata glepo te diꞌa teke edi iara teke goigonidi gaoghathomi ghotilo re? Unha nafnata puhi biꞌo teke edi iara te thofno ninhigrana fara ka nakarhami ghotilo re? Te keli na ghotilo cheke tughu ka iara!

Profet Jeremaea 2:31

“Ghotilo maemi Israel ra, fanomho ka nogna cheke Lord igne! “Iara neke theome tei koko ghami ghotilo ka namono nagou ia. Theo! Naugna unha si ghotilo ne snaglahi themi teu te tirodi leghu ghau iara gnea?

Profet Jeremaea 2:13

Naugna nogu naikno iara igre ne edi phei najafra te thono diꞌa fara igre. Naikno igre figri tagru ghau iara. Iara jateula glokha te fura haghe te mala koꞌu te karha naiknora eghu, nu mare tei koko ghau iara. Eghuteuna, mare leghudi god teke sari thedire. Uve, god igre jateula baket teke horo kolho naikno, nu phosa me theo kaisei khoꞌu tagna teura eghu kolho.

Profet Isaia 56:12

Naikno igre cheke eghu, ‘Tahati ari atha waen nei beer eghu mala koꞌu gheda mala ghilei thaviru noda fara! Nathuꞌu na ginauna thofno keli fara salaꞌuni narane gognarogne.’ ”

Profet Isaia 30:11

Ghotilo mae profet ra thosei toutonuni mei ka ghehati. Ghehati theome magnahaghei te nomhidi thua nafnata cheke eigna God te Blahi gna Israel!’ ”

Profet Isaia 22:13

Nu ghotilo maꞌe nei ei gaghamu eghu kolho! Uve, ghotilo theome gnafa te falehe buluka nei sipu teu te mala ima ghemi nei koꞌu ghemi teuna. Eghuteuna ghotilo cheke eghu koba, “Te keli na tahati ima gheda nei koꞌu gheda eghu, naugna nathuꞌu na tahati ginauna kafe lehe.”

Profet Isaia 1:4

Ghotilo nogu naikno iara igre thono diꞌa fara! Eghuteuna puhimi ghotilore jaola thono diꞌa fara. Ghotilo naikno mala tapla jafra fabrahu ka nakhibo kolho. Eghuteuna ghotilo la tei kokonihi Lord. Uve, ghotilo tiromini nodi God maedi Israel te thono blahi fara igne la figri tagrunihi mana.

Proveb 27:8

Ihei te tei kokoni thofno namonogna na, mana jateula nanghaji te tei kokoni nogna gnoku naia eghu.

Proveb 21:20

Mae te autagna gaoghatho te keli na au kmana glepo ka suga na, mae te fameomekro na fahuhui gobigna lepore.

Proveb 18:9

Naikno te thodo na jateula mae te goigonidi gobigna lepo ra eghu.

Proveb 6:26

Jame mae te thuru balugna gaꞌase vine na, mana na koko sileni ikoi kolho. Nu mae te thuru balugna khetogna keha mae na, mana ginauna fahuini nakarhagna na.

Nodi Khoje Hatimare Mae Jiu 73:27

Iheire te figri tagru nigho iagho re ginauna lehe dofidi. Eghuteuna iheire teke leghu nigho iagho tifa ra, mare gognaro na kela tei koko nigho iaghohi. Iagho ginauna goigonidi mare.

Fapea Pita 2:13

Eghuteuna mare ginauna na paradi fara, eigna mae velepuhi chaichaghi igre neke kulu paradi keha naiknore. Mae velepuhi chaichaghi igre magnahaghei fara te hohoro gaghamu te diꞌa, neubane farihotei naublatha. Eghuteuna kate mei ima balumi ghotilo na, mare na famamaja ghami ghotilo fara ka nodi puhi te diꞌare. Nu mare keli tadi fara te mala chaichaghi ka nodi puhi te diꞌa tuare.

Efesus 2:17

Eghuteuna Kraes neke mei toutonu u Nonomho te Keli eigna pharikeli maladi naikno te gnafa, ka ghotilo iheire te theome Jiu te au khaba ka God nei ka mae Jiu te au namo ka mana langau eghu.

Efesus 2:13

Uve, tifa na ghotilo neke au fakhaba ka God. Nu gognaro na ghotilo kaisei balugna mae Jisas Kraes. God hata ghami ghotilo mala mei namo ka mana, naugna dadaragna Kraes teke thofa ka glehegna jateula kaisei fafara.

Luku 15:12

Mae ke iko na ne cheke eghu ka mae kmagna na, ‘Mama, famei gognaro nogu vido glepo mala famei ka iara thogheiro teku iagho ia.’ Aonu mae kmadi na ne tufa ka phia mae thugnare.

Luku 15:14

Kate koko fahui mana gobigna lepo teke khotodi thegna re, narane behu te kafe theome naba gano heva heva ka namono te kmana re ne thokei mei. Mae sitei na ne rofo ne magnahaghei sileni.