Luku 14:28 - Buka Blahi Ka Cheke Holo

²⁸ “Jame kaisei mae ka ghotilo magnahaghei horo kaisei suga, mana kulu laseni niha sileni nate nabagna nate eni suga igne. Ka puhi igne, nate laseni te au naba sileni te mala gnafagna suga na ba theo.

Luku 14:28 ပူးပေါင်းရင်းမြစ်များ

Proveb 24:27

Ulu lahu na iagho fadoglini nou glose na mala tobi nagare, eghuteuna ke leghu na iagho horo suga.

Matiu 10:22

Naikno te gnafa gre ginauna tirodi ghami ghotilo, naugna ghotilo ne nogu iara. Nu God ginauna fakarhidi iheire te au famaku ka nodi fatutuani na ghilei thokeni narane te gnafa gna naꞌau papara na.

Luku 14:33

Ghotilo jateula tuana eghu mala kulu ghatho fakeli eigna puhi te mala leghu ghau iara na. Naugna mae ihei te tirogna lisa fadelei nogna gobigna lepore te mala leghu ghau iara na, mana theome tangomana te kaisei nogu mae fanomho iara na.”

Mae Khuru 21:13

Nu mae Pol ne cheke eghu, “Ba, naugna unha site tanhi ghotilo te diꞌanagnafagu fara iara gnea? Iara gne tarabanau ngala te mala haru ghau mare Jerusalem na. Eghuteuna iara gne tarabanau ngala te mala lehe ranghini noda Lord Jisas!”

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Luku 14:27

Ihei te magnahaghei leghu ghau iara teunu theome pala nogna gaju fafatha na eghunu lehe nogna teuna, mana theome nabagna te kaisei nogu mae fanomho iara na.

Luku 14:29

Jame te theome eghu mana na, neubane gnafa mana ghogrei gna suga igne, mana ginauna theome tangomana te loku fagnafani suga igne. Eghuteuna naiknore ginauna cheke fapari nigho iagho.