Luku 14:15 - Buka Blahi Ka Cheke Holo

¹⁵ Kaisei mae ka hatimare mae te ghamu balugna mae Jisas igre nomhini unha te chekeni mae Jisas igne ne cheke eghu, “Keli tagna fara mae ihei nate gnokro te ghamu kau nogna nauthoglu majaghani God na.”

Luku 14:15 ပူးပေါင်းရင်းမြစ်များ

Thakle 19:9

Mae engel na ne cheke eghu ka iara, “Rioriso soru sagho cheke igre, ‘Naikno teke kilodi God te mala mei ka gaghamu tholaghi gna Lam na, mare tangomana te gleale'a na.’ ” Eghuteuna engel na neke cheke eghu ka iara, “Cheke igne thofno chekegna God.”

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Luku 13:29

Kmana naikno te theome Jiu ginauna mei funudi ka namono te gnafa ka nauthoglu igne, eghuteuna mare ginauna na mei mala ghamu fodu ka gaghamu biꞌo na ke lamnagna nogna nauthoglu majaghani God.

Matiu 25:10

“Nu glima gaꞌase te theome lalase igre ne tei foli keraseni. Ke leghudi reꞌe te tei foli keraseni na, mae te mala tholaghi na ne mei. Keha glima gaꞌase teke kulu tarabana nodi jutare ne tei balugna mana ka suga te mala ghamu gaghamu tholaghi na. Aonu grengatha na bobotho ne bibilakhi.

Luku 12:37

Hatimare mae gloku re keli tadi fara kate ke pulo mei nodi mae funei na te filodi mare te kulu tarabana ofoni mana teu. Tutuani fara te chekeni iara ka ghotilo na, mana ginauna tabadi mare. Mana na pipichi nogna pohe na mala tarabana gano maladi mare, eghuteuna chekedi mare mala ima balugna.

Matiu 8:11

Nu te chekeni iara ka ghotilo na, kmana naikno ginauna na mei funudi ke maghati ba ke mosu mala gleale'a balugna mae Ebraham, mae Isak nei mae Jekop kau nogna nauthoglu majaghani God na.

Luku 22:16

Ke leghugna igne iara ginauna theome imani Gaghamu Ghasa-Polho igne ghilei thokeni narane nate horoghoto gaoghathogna narane te funei frunidi God nogna naiknore.”