Luku 13:7 - Buka Blahi Ka Cheke Holo

⁷ Aonu kmana finogha ke leghugna igne, mana ne cheke eghu ka nogna mae gloku te reireghi gna nogna nagare na, ‘Gognarona jateula fatilo finogha eghu iara te mei filo ka fig igne, nu iara theome filoni ngala kaisei sisi tagna. Te keli na jame rave koko kolho gaju tuana, na eghunu chochoghei kolho naꞌa glose te keli gne eghu.’

Luku 13:7 ပူးပေါင်းရင်းမြစ်များ

Matiu 7:19

Eghume, mae khotogna nagare na ginauna kato soru gaju te theome ure sisi te keli na mala koko lao ka khaꞌaghi.

Luku 3:9

Nu gognaro God tarabana fate naikno jateula kaisei mae te au khila te mala kato soru gaju na la kulu auhi ka glathigna na. Eghume, mana ginauna na kato soru u gaju te theo sisi igre mala koko lao ka khaꞌaghi.”

Jone 15:6

Mae ihei te theome au balugu iara na, mana ginauna jateula grege te gnagha te lehe ia eghu. Eghuteuna grege te lehe tuare mala salofodu mala koko lao ka khaꞌaghi mala nako.

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Eksodas 32:10

Iara thono diꞌatagu fara ka naikno igre, eghuteuna iara ginauna goigonidi nei roꞌedi eghu mare. Iagho thosei fariuriu lhoti ghau iara. Iara ginauna eni nigho iagho baludi iheire nate karha mei ke leghumu iagho re mala kaisei vike biꞌo.”

Profet Daniel 4:14

Engel igne ne eha eghu fabiꞌo, ‘Ghotilo kato soru gaju igne, eghuteuna ghotilo kato gregegnare, haglu tei khaklagnare, eghuteuna raba tafri fuꞌagnare eghu. Ghotilo brue tei delei buluka, sipu, nanigot nei hose teu te au ke parigna gaju igne. Eghuteuna ghotilo bruedi nanghaji te horo gnoku ka gregegna na are.

Levitikas 19:23

“Kate tei au ghotilo ka kantri Kenan, ghotilo mala joꞌu thua nafnata sisi gaju, nu ghotilo mala thosei ukli sisi igre nabagna thilo finogha. Eghume ka fatilo finogha igre blahi ghotilo te mala ghamu sisi igre.

Levitikas 25:21

Iara Lord, iara ginauna fablahi nomi glose na ka fafamno finogha na mala au kmana gano nabagna thilo finogha.

Luku 13:8

“Nu mae gloku te reireghi gna nagare na ne cheke eghu, ‘Mae funei, khudau gaju tuana nabagna kaisei finogha, mala tangomana iara te filo fakelini nei koko lao glose te keli faligohoni eghu iara ka pesigna na.