Luku 13:19 - Buka Blahi Ka Cheke Holo

¹⁹ Uve, nakarha te funei frunini God na jateula sisi gaju mastad te ikoi fara te joꞌu kaisei mae ka nogna nagare na ia eghu. Kate kotu haghe sisi ikoi igne ginauna gaju biꞌo eghuteuna nanghajire ginauna mei horo nodi gnoku ka gregegnare.”

Luku 13:19 ပူးပေါင်းရင်းမြစ်များ

Profet Daniel 4:12

Khaklagna gaju igne famane fara. Eghuteuna fuꞌagnare kmana fara, naba te ima naikno gna nauthoglu igne. Eghuteuna buluka nei sipu nei nanigot nei hose teu igre mei gnafa ke parigna gaju igne, eghuteuna nanghajire mei horo gnoku ka gregegnare, eghuteuna thua nafnata glepo te karha ba te tautagu igre mei ghamu ka fuꞌagna na.

Profet Daniel 4:21

Khaklagnare famane fara, eghuteuna fuꞌagnare kmana fara naba naikno te gnafa ka nauthoglu igne te ghamu na. Eghuteuna buluka, sipu, nanigot nei hose teu igre mei mala gnafa nodi ke parigna. Eghuteuna nanghajire mei horo nodi gnoku ka gregegnare.

Mae Khuru 4:4

Nu kmana naikno te nomhidi nodi cheke phiamare re ne fatutuani ni mae Jisas. Eghuteuna naikno te fatutuani ni mae Jisas gognaro na thokei glima thogha.

Mae Khuru 2:41

Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.

Profet Sekaraea 2:11

Ka narane tuana kmana naikno ka keha kantri are ginauna mei ka iara Lord mala loku fodu balumi ghotilo nogu naikno iara ra, eghuteuna iara ginauna au balumi ghotilo gnafa.” Ka puhi igne, ghotilo ginauna lase ghau iara Lord mae ihei te au nolaghi fateote'o igne te kuru mei ghau iara ka ghotilo na.

Profet Esikiel 31:6

Soasopai nafnata nanghaji ngala te mei horo nodi gnoku ka grege igre, eghuteuna soasopai nafnata glepo te tautagu poru ke parigna mala fakarha sua. Naikno ka kantri te gnafa ka nauthoglu igne au ke pari naungogna gaju rheta igne.

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Mae Khuru 21:20

Kate nomhini mare nogna cheke mae Pol igne, mare ne kilo fnaknoni God. Aonu mare ne cheke eghu ka mae Pol, “Ghema thabusigna, iagho laseni kmana thogha mae Jiu la fatutuani ni mae Jisas, eghuteuna mare jaola kafe leghuni fara nogna vetula mae Moses.

Matiu 17:20

Mae Jisas ne cheke eghu ka mare, “Ghotilo theome tangomana ghami te brue teini naitu na, naugna nomi fatutuani ghotilo na theome naba. Tutuani fara te chekeni iara ka ghotilo na, neubane ikoi fara jateula sisi gaju mastad neu nomi fatutuani ghotilo na, ghotilo na tangomana te cheke eghu ka thogele igne, ‘Jifla agne mala tei jare.’ Teu ghotilo na, thogele tuana ginauna thugha tei. Eghume ginauna theo kaisei glepo nate ninhigrana ranghi ghami ghotilo na.

Profet Isaia 58:11

Iara ginauna baubatu ghami ghotilo fabrahu, eghuteuna tusu ari glepo te keli mala glealeꞌa ghotilo. Iara Lord ginauna reireghi ghami ghotilo mala rheta nei theome fogra eghu ghotilo. Ghotilo ginauna na jateula kaisei nagare te soru mei nakhete tagna, ba jateula kaisei glokha khoꞌu te theome krango ra eghu.

Profet Isaia 53:10

Lord ne cheke eghu, “Nogu gaoghatho iara, te mala au papara nei lehe teu mae igne. Glehegna mae igne, kaisei fafara mala atha koko nakhibo, mala tangomana te filoni iheire nate karha mei ke leghugna manare. Nakarhagna mae igne ginauna brahu, eghuteuna naugna unha te edi mana re, nogu gaoghatho iara igne ginauna thoke mei tutuani.

Famane Khoje 6:2

Kheragu iara na soru ka nogna nagare, te fodu ka gaju khakladi re famane sisiri. Mana ghamu ka nagare igne, eghuteuna mana atha famane sisi.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Letas Teke Riso Tei Mae Pol Ka Khiloau Rom 15:19

Mare ne leghuni God naugna mare neke filodi u fagaglana nei kofubobhoi balu nolaghi nogna Tharunga te Blahi. Iara toutonuni Nonomho te Keli na funu Jerusalem, iko tongana heva heva ghilei posa Ilirikam. Aonu iara ne toutonu fahui Nonomho te Keli eigna mae Jisas Kraes.

Profet Jeremaea 31:12

Mare ginauna mei kegra ka Thogele Saion mala koje balu gleale'a. Mare ginauna gleale'a eidi gano, waen te keli, oliv oel, sipu majaghani nei buluka majaghani. Mare ginauna au nodi kmana glepo te keli jateula famane nagare te au kmana khoꞌu te keli ra eghu, eghuteuna mare ginauna na theome glaꞌe soru.

Profet Isaia 61:11

Jateula sisi te kotu haghe fabrahu ke kligna glose ra eghu Lord God ginauna fadoglidi puhimi ghehati gre mala cheke fakelini ke uludi naikno te gnafa ka keha kantri igre.”

Profet Isaia 53:1

Naiknore ne cheke eghu, “Ihei gne nate fatutuanini nomi cheke ghehati na? Ihei gne nate filo glani nogna nolaghi Lord na?

Famane Khoje 8:13

Kheraghuo, iagho te au ka nagare. Kheramu re falithui nigho jare nei magnahaghei fara te nomhini naoglamu iagho na. Nu iara jaola magnahaghei te mala nomhini naoglamu iagho na!

Famane Khoje 4:16

Nuri ke raru, iagho soru mei! Nuri ke mata, iagho mei ka iara! Ghopa ghaghafa mei ka nogu nagare iara, mala sisirigna na te ikotongana vido igne. Snakre kheragu iara na mei lamna ka nogna nagare na, eghuteuna snakreni mala ghamuni famane sisigna na.

Famane Khoje 4:12

Kheraguo, iagho khetogu iara. Iagho jateula kaisei nagare balu gringni te lithu ka thina, aheva iara thegu kolho nate tangomana te tei lamna tagna na. Jare na au kaisei glokha khoꞌu lamna, aheva iara thegu kolho nate koꞌu tagna na.

Luku 17:6

Mae Jisas ne cheke eghu ka mare, “Neubane ikoi fara nomi fatutuani ka God na ne jateula sisi gaju mastad neu, ghotilo tangomana te cheke eghu ka gaju biꞌo na, ‘Krathu balu glathimu tei kegra ka thongna gno’ teu ghotilo na, gaju biꞌo tuana ginauna leghuni unha te chekeni ghotilo na.

Nonomho Te Keli Teke Risoi Mae Mak 4:30

Aonu, mae Jisas ne ghusna eghu ka mare, “Narane God te funei frunidi nogna naiknore jateula unha eghu ka gaoghathomi ghotilo re? Unha nafnata cheke naba na te falalase tahati te mala famane glola na?