Luku 13:14 - Buka Blahi Ka Cheke Holo

¹⁴ Mae biꞌogna suga tharai na ne diꞌatagna fara ka mae Jisas, naugna mae Jisas ne fakelini gaꞌase tuana ka narane Sabat. Aonu mae biꞌogna suga tharai na ne cheke eghu ka naiknore, “Namno narane kolho te mala loku tahati na. Eghume ghotilo mei ka kaisei narane ka narane tuare mala ke fakeli fapulo ghami mare. Thosei mei mala fakeli ghami mare kau narane Sabat.”

Luku 13:14 ပူးပေါင်းရင်းမြစ်များ

Eksodas 20:9

Ghotilo au namno narane ke lamnagna kaisei wik te mala loku na.

Matiu 12:2

Hatimare mae Farasi filoni igne ne cheke eghu ka mae Jisas, “Ghema, filo sagho ka nou mae fanomho are, mare loku kau narane Sabat. Nu narane igne thono blahi fara ka noda vetula tahati mae Jiu gre!”

Luku 6:7

Hatimare mae velepuhigna vetula nogna mae Moses nei hatimare mae Farasi eghu ne fiofilo neu ka mae Jisas, glahula fakeli naikno mana kau narane Sabat. Naugna mare magnahaghei te filoni mana te eni unha te jafra ka nogna vetula mae Moses na, mala tangomana mare te fathoethokeni mana na.

Luku 8:41

Kaisei mae nanghagna na mae Jaerus ne mei ka mae Jisas. Mae Jaerus gne kaisei mae biꞌo ka suga tharai gna namono tuana. Mana mei ne tuturupuku soru ke ulugna mae Jisas ne toreni mana mala tei ka nogna suga na.

Nonomho Te Keli Teke Risoi Mae Mak 5:22

Kaisei mae biꞌogna suga tharai na ne mei mala filoni mae Jisas, nanghagna mae igne, mae Jaerus. Mana mei ne tuturupuku ke ulugna mae Jisas.

Letas Teke Riso Tei Mae Pol Ka Khiloau Rom 10:2

Iara lasedi, mare thofno fariuriu fara te mala leghuni God na, nu mare theome raꞌe laseni puhi te doglo na neu.

Mae Khuru 18:17

Naiknore lokini mae Sostinis mae biꞌogna suga tharai na ne purini mana ke ulugna suga mala fate na. Nu mae Galio ne tirogna nangani kolho u puhi te eni mare igne.

Mae Khuru 18:8

Mae biꞌogna suga tharai igne, nanghagna na mae Krispasi, mana baludi naikno te gnafa te au ka tharaknagna mana na ne kafe fatutuani ni Lord. Eghuteuna kmana naikno langau Korin ne fanomho ka mae Pol. Mare fatutuani ni mae Jisas ne apublahi.

Mae Khuru 13:15

Kate iu'iju te gnafa mare nogna buka mae Moses nei nodi buka hatimare mae profet, goro mae biꞌogna suga tharai na ne cheke eghu ka mae Pol nei mae kheragna re eghu, “Kheraguro, ghehati magnahaghei ghami ghotilo te mala cheke ranghidi naikno gre, eghu te au nomi cheke ghotilo te mala toghodire.”

Luku 6:11

Hatimare mae Farasi nei hatimare mae velepuhigna vetula nogna mae Moses eghu re ne thono diꞌa tadi. Mare ne cheke eghu fari thedi, “Na faꞌunhani si tahati mae Jisas gnea?”

Profet Esikiel 20:12

Uve, iara jaola neke cheke ranghidi mala ghatho tahuni mare nogu narane Sabat na mala gnafa mare tagna, mare tangomana te leghuni, nei laseni eghu teke eni iara nhaꞌa cheke igne baludi mare. Eghuteuna mare mala jaola laseni te iara Lord, iara neke fablahidi mala nogu naikno blahi iara.

Levitikas 23:3

“Ghotilo au fitu narane te mala edi ghotilo nomi loku re, nu ka fafitu narane leuleghu wik na narane Sabat narane mala gnafa. Ka narane Sabat ghotilo mala theome mala loku, nu ghotilo mala kafe mei mala kilo fnakno ghau iara. Neubane ka namono aheva te tei au ghotilo tagna na, narane Sabat nogu narane iara Lord eghuteuna ghotilo mala ghatho tahuni.”

Eksodas 23:12

“Ke lamnagna kaisei wik na ghotilo mala loku namno narane kolho, nu ka fafitu narane na ghotilo gnafa ka gloku na. Eghume nomi buluka, dongki, mae gloku, gaꞌase gloku nei naiknodi delei eghu te mei au balumi ghotilo are eghu mala jaola gnafa fakeli ka nodi gloku re.

Diutronomi 5:13

Ghotilo au namno narane ke lamnagna kaisei wik te mala loku na.

Profet Esikiel 34:21

Iara ginauna eni igne naugna leuleghu fata na ghotilo sipu te blokha igre magra ka honami re huju teidi sipu te nigra re.