Luku 12:42 - Buka Blahi Ka Cheke Holo

⁴² Te mala laseni mae fanomhore gaoghathogna cheke naba igne, mae Jisas ne cheke eghu ka mare, “Ba, mae ihei si mae gloku te keli tagnani mae funei na ia? Mae gloku te lalase fara te leghuni fabrahu nogna cheke mae funei na. Igne ngala mae teke vavahi nogna mae funei na te mala reireghidi keha mae glokure kate tei mae funei na. Mae gloku igne ginauna tangomana te tufa nanaba ganore ka keha mae glokure ka thofno narane te mala ghamu mare na.

Luku 12:42 ပူးပေါင်းရင်းမြစ်များ

Hibru 13:17

Hatimare nomi mae mala baubatu ghotilo re reireghidi nakarhamire. Mare ginauna na kegra ke ulugna God mala toutonu ka mana eigna nodi gloku teke eni mare ka nauthoglu igne. Eghume ghotilo leghudi nei ghatho tahudi eghu mare mala tangomana te gleale'a ka nodi glokure. Te loku balu diꞌanagnafa mare na, igne ginauna na theome togho ghami ghotilo.

Hibru 13:7

Thosei ghatho ihodi iheire teke kulu batu ghami tifa ra, mae igre neke toutonuni chekegna God na ka ghotilo. Ghathodi unha teke edi mare te ghilei lehe ra, nei jaola leghu fakelini nodi fatutuani na.

Fapea Timoti 4:2

mala toutonuni koba chekegna God na. Tarabana leghu fata mala eni igne, neuba naiknore ne tirodi fanomho ka iagho. Iagho toghodi naiknore mala filo glani mare unha te jafra ka nakarhadire. Eghuteuna iagho fadodoglo puhidi naiknore ka unha te jafra ba toghodi mala nheta nodi fatutuani na. Eghuteuna kate farirhiudire, iagho mala taegodi nei farirhiu fakelidi eghu.

Ululahu Timoti 5:17

Mae biꞌo te baubatu fakeli ka khiloau nei tulao iheire te loku heta kate toutonuni nei farirhiuni teu chekegna God na naba te hata taba na.

Ululahu Pita 4:10

God neke tusu ari ka ghotilo soasopai khokofakasai te mala edi nogna glokure. Eghume ghotilo loku fakeli ka khokofakasai igre mala fari totoghoi ka kmana nafnata puhi.

Taetus 1:7

Eghume iara magnahaghe nigho te mala vavahi mae mala baubatu ka mae iheire te keli puhidire naugna mana mala loku ranghini God nei reireghi fakelini eghu u gloku gna u khiloau na. Mana theome kaisei mae mala fabiꞌobiꞌo, ba mae mala ghosei diꞌatagna, ba mae mala koꞌu koba, ba mae mala khuru magra ba mae mala magnahaghei hata glepo kmana kolho ka puhi te chaichaghidi naiknore.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Matiu 20:8

“Rafi soru, mae khoto nagare na ne cheke eghu ka mae te reireghidi mae gloku re, ‘Eha meidi mae gloku ra, mala folidi nodi tabare. Iagho na fufunu folidi mae teke tei loku leghu lahu ra tei gnafa ka mae teke kulu tei loku ra.’

Profet Esikiel 34:3

Ghotilo jateula te ghamu garofadi sipu eghuteuna horo nomi pohe mala pipichi ka khakladire, eghuteuna ghotilo aknu falehe famane buluka te blokha mala ghamu ghemi. Nu ghotilo theome reireghi fakelidi kolho nogu naikno iara re.

Profet Isaia 50:4

Nogna mae gloku Lord na ne cheke eghu, “Lord God neke farirhiu ghauhi iara ka unha mana te magnahaghei chekedi iara re, mala ke farerheta nagnafadi iheire te nigra. Leuleghu hamerane na mana fadofra ghau iara mala nomhidi iara glepo majaghani nate farirhiu ghau iara mana re.

Proveb 15:23

Mae te tufa gaoghatho te keli ka keha mae na thofno keli fara. Eghuteuna famane cheke ka thofno naranegna na, thofno glepo keli fara.

Hibru 3:5

Mae Moses mala reireghi fakelini tharaknagna God nei edi unha teke magnahaghedi God re. Nogna gloku mae Moses igne mala toutonuni unha nate chekeni God thogheiro eigna Kraes. Eigna mae Moses kaisei mae gloku kolho.

Ululahu Timoti 3:15

Nu neubane theome faghose ari iara, iagho ginauna tangomana te iu'ijuni letas igne eidi gloku te keli te edi nogna naikno God re. Igne u khiloau nogna God, mae ihei karha te tifa. Eghuteuna khiloau gne ngala te loku famakuni u thofno cheke te tutuani na mala theo kaisei naikno te roꞌeni.

Luku 7:13

Mae Jisas ne filoni naꞌa ne kokhoni nogna ni. Mana ne tei ka naꞌa ne cheke eghu, “Naikno biꞌo, thosei tanhi.”

Matiu 13:52

Aonu mae Jisas neke cheke eghu ka mare, “Hatimare mae velepuhigna vetula nogna mae Moses gre au fari hoteidi naikno God te funei frunidire. Mare jateula mae khoto suga te hata fajifla glepo te majaghani ba glepo te tiatifa ka nogna chogho te au nogna glepo te keli ra eghu.”

Profet Jeremaea 23:4

Iara ginauna vavahi keha mae mala baubatu mala reireghi fakelidi naiknore. Eghuteuna naikno igre ginauna na theome mhaghu ba glaꞌe soru gaoghathodire. Uve, ginauna na theo kaisei naikno nate snivi na.” Igne chekegna Lord.

Proveb 27:18

Te reireghi ni gaju te au sisigna na, iagho ginauna ghamu fuꞌa gna na. Te reireghini nogna funei na, iagho ginauna hata nafnakno biꞌo.

Proveb 31:15

Naꞌa tangomana te dofra haghe hamerane boibongi mala tarabana gano malagna tharaknagna na, eghuteuna nhaꞌa soru gloku ka nogna gaꞌase glokure.

Luku 12:43

Mae gloku igne ginauna keli tagna fara kate mei nogna mae funei na te filoni mana te famane eni fabrahu nogna gloku na.

Eksodas 36:4

Aonu mae iheire te lase edi gloku ka Suga Tapuale te Blahi igne mare jifla ka gloku na ne tei filoni Moses.

Proveb 12:8

Naiknore pala hagheni nanghagna mae ihei te autagna gaoghatho te keli na. Nu cheke faparini mae ihei te autagna gaoghatho te diꞌa na.