Luku 12:37 - Buka Blahi Ka Cheke Holo

³⁷ Hatimare mae gloku re keli tadi fara kate ke pulo mei nodi mae funei na te filodi mare te kulu tarabana ofoni mana teu. Tutuani fara te chekeni iara ka ghotilo na, mana ginauna tabadi mare. Mana na pipichi nogna pohe na mala tarabana gano maladi mare, eghuteuna chekedi mare mala ima balugna.

Luku 12:37 ပူးပေါင်းရင်းမြစ်များ

Fapea Pita 3:14

Uve kheraguro, kate ofoni teu ghotilo narane tuana, hatini nhetami na mala au ka pharikeli balugna God. Nakarhami ghotilo re mala keli fara, eghuteuna ghotilo mala doglo fara ke ulugna mana.

Matiu 24:42

“Eghume ghotilo tarabana fakeli nomi fabrahu. Naugna ghotilo theome laseni narane mala ke pulo meigna nomi Lord na.

Filipae 1:23

Thono ninhigrana ranghi ghau iara te vavahi ka phei nabrou igre. Iara magnahagheni fara te jifla kokoni u nauthoglu igne mala au balugna mae Kraes, naugna tuana ngala glepo ulu te magnahagheni iara na.

Ululahu Korin 2:9

Nu grioriso te blahi na cheke eghu, “Unha God teke kulu tarabana maladi naikno te namhani mana re, theo kaisei naikno te filoni ba nomhini na. Theo kaisei naikno teke ghathoni unha nate thoke mei ginauna.”

Thakle 14:13

Aonu iara ne nomhini kaisei cheke ne cheke eghu funu kligna, “Iagho rioriso soru cheke igre. ‘Funu gognaro, naikno teke falelehe mare eigna nodi fatutuani ka Lord na ginauna gleale'a fara.’ ” Tharunga te Blahi na ne cheke eghu, “Uve, tuana tutuani fara! Mare ginauna gnafa nodi ka gloku te biꞌora naugna tabagna unha teke eni mare na ginauna au fabrahu baludi.”

Fapea Pita 1:11

Eghuteuna God ginauna tangomana te thofno snakre ghami mala ruma ka nauthoglu majaghani te theo ka huigna. Ka nauthoglu igne noda Lord nei fakarhaida Jisas Kraes na King fabrahu tifa tifa.

Jone 12:26

Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Profet Isaia 62:5

Ghotilo ginauna atha nomi glose igne, jateula kaisei mae nalhaꞌu majaghani te atha kaisei gaꞌase majaghani te mala khetogna teura eghu. God ginauna na jateula tuana eghu na thofno kelitagna fara ka ghotilo.

Thakle 7:17

Naugna Lam na te au ka nogna sape nafnakno mae King na, mana ginauna reireghidi jateula kaisei mae te reireghidi nogna sipura eghu. Mana ginauna baubatudi mala tei koꞌu ka khoꞌu glokha te tusu ranghidiu u karha. Eghuteuna God ginauna nuju koko kholo te gnafa ka tathadire mala theome tangomana mare te diꞌanagnafa na.”

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Filipae 1:21

Glepo ulu ka iara eigna jateula igne eghu te ghathoni iara na, u nakarha na kaisei mae Kraes ngala. Eghuteuna te lehe iara na, iara ginauna theome theo te hatini u karha na.

Luku 17:8

Theome tangomana! Iagho na cheke eghu ka mana, ‘Iagho tarabana ghegu gano iara, eghuteuna pipichi nou pohe na mala ofou ghau iara kate ima nei koꞌu teu iara gne. Kate gnafa ima iara na ame ghamu nei koꞌu eghu nga iagho eghu.’

Luku 12:43

Mae gloku igne ginauna keli tagna fara kate mei nogna mae funei na te filoni mana te famane eni fabrahu nogna gloku na.

Profet Sefanaea 3:17

God, nomi Lord ghotilo na au balumi. Nogna nolaghi mana na ginauna togho ghami mala uluni ghotilo magra na. Lord ginauna kelitagna ka ghotilo, eghuteuna nogna namha na ginauna tusu ranghi ghami nakarha majaghani. Aonu mana ginauna koje jateula naikno te gleale'a te koje ka narane biꞌo ra eghu.”

Profet Jeremaea 32:41

Iara ginauna kelitagu fabrahu kolho te eni glepo te keli na ka mare, eghuteuna snakredi mare mala ke pulo au ka namono igne.”

Luku 12:36

Ghotilo mala jateula hatimare mae gloku te ofoni ke pulo meigna nodi mae funei teke tei ka gaghamu tholaghi na eghu. Kate mei kikidi mana ka grengatha na, mare na ghosei tothora grengatha na ranghini mana.

Luku 22:27

Ba, mae ihei te mae biꞌo ka ghotilo na, mae te gnokro ghamu teu igne, ba mae te hata gano te mei ka tevo gne? Ghotilo gaoghathomi na mae te gnokro ka tevo na igne ne mae biꞌo eghu. Nu iara theome jateula tuana eghu. Tutuani, iara jateula kaisei mae gloku eghu fari hoteimi ghotilo mala togho ghami ghotilo.

Thakle 16:15

Aonu mae Jisas ne cheke eghu, “Fanomho fakeli! Tutuani, iara ginauna nake pulo mei ka ghotilo ka narane te theome ghathoni ghotilo na jateula kaisei mae te blau te mei ka narane te theome ghathoni naiknore. Mae ihei te tarabana teu teke pulo mei iara na, mana ginauna gleale'a fara kate filo ghau iara na. Mana jateula kaisei mae te ofoni teu ke pulo meigna mae kheragna na. Mana ginauna pipichi, dofrau nei gleale'a eghu kate filoni mana na. Jame te tarabana teu iagho teke pulo mei iara na, iagho na theome mamaja nou kate filo ghau iara na. Tutuani, iagho theome mamaja nou jateula iheire te soesole teu ka glalaba na ia eghu.”