Luku 12:31 - Buka Blahi Ka Cheke Holo

³¹ Glepo jame te ghathoni fabrahu ghotilo na karha te funei frunini God igne. Eghuteuna gobigna lepo te magnahaghedi ghotilo re God ginauna na tusu ari ka ghotilo.

Luku 12:31 ပူးပေါင်းရင်းမြစ်များ

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Nodi Khoje Hatimare Mae Jiu 34:9

Ghotilo nogna naikno Lord ra, ghatho tahuni mana. Ghotilo iheire te leghuni mana ra, ghotilo theome kmoꞌe ka glepo te keli na.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Nodi Khoje Hatimare Mae Jiu 37:3

Fatutuani ka Lord sagho nei eni puhi te keli na eghu. Te eghu iagho na, iagho ginauna na au fakeli fabrahu ka nou vido glose na, eghuteuna ginauna theo kaisei glepo nate goigoni nigho iagho na.

Nodi Khoje Hatimare Mae Jiu 37:25

Funu suagu tela ghilei kueku'ehi gognaro gne iara theome filoni God te figri tagruni naikno te doglo na. Eghuteuna iara theome filodi thugna mana re te kmo'e ka gano te tore tafri ka keha naiknore.

Profet Isaia 33:16

Nafnata naikno igne nate au fakeli ka kaisei vido te rheta te mala poru ka thogele holoro, eghuteuna mana ginauna au kmana ghegna gano nei khoꞌu eghu. Uve, mana ginauna au nogna gobigna lepo te magnahaghedi manare.

Nodi Khoje Hatimare Mae Jiu 37:19

Ka vido te ninhigrana na mana na theome au diꞌanagnafa. Eghuteuna ka nhigra te theo gano na mana na theome glehe rofo.

Luku 10:42

Kaisei glepo ngala te ulu na. Meri gne ne vahini ngala glepo te doglo na, eghuteuna theo kaisei naikno nate hata fadelei igne ka naꞌa na.”

Luku 12:30

Naikno bongihehe ka nauthoglu igne kafe fariuriu fara mala hata glepo igre. Nu mae Kmami ghotilo na laseni te magnahaghedi ghotilo glepo igre.