Luku 12:20 - Buka Blahi Ka Cheke Holo

²⁰ “Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Luku 12:20 ပူးပေါင်းရင်းမြစ်များ

Profet Jeremaea 17:11

Ihei te atha sileni ka puhi te theome doglo na, mana jateula nanghaji te blau nakredi ka keha nanghaji na te lilisei ka nogna gnoku thegna na ra eghu. Nogna dedei mana igre ginauna hui kate mae majaghani teu mana na. Eghuteuna leghulahugna mae igne ginauna laseni te nogna gaoghatho naikno na thono fameomekro fara kolho.

Thoutonu Eigna Mae Job 27:8

Kate kato kusu God nakarhagna ihei te diꞌa na, gobigna lepo teke ghatho tahudi mana re ari theo nafudi.

Ululahu Timoti 6:7

Kate karha meida na tahati neke theome hata mei baluda kaisei glepo keli ka nauthoglu gne. Eghuteuna ka gleheda na ginauna tahati jaola theome tangomana te hata fajifla kaisei glepo keli ka nauthoglu igne.

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Jemes 4:14

Tore, nu ghotilo theome laseni unha nate eni nathuꞌu na! Eghuteuna ghotilo theome laseni unha nafnata nakarhagna nate hata ghotilo na. Ghotilo na jateula khoveo te filoni tahati katha vido ikoi hamerane nu kela dofi nila teu ia eghu kolho.

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Luku 11:40

Ghotilo thono meomekro fara! God mae ihei teke eni khamegna naikno te nanga nomini ghotilo te mala titihi fagae igne, mana jaola neke eni nagnafagna naikno te theome nanga nomini ghotilo te mala fagae igne.

Nodi Khoje Hatimare Mae Jiu 73:19

Iagho ginauna ghosei goigonidi kolho naikno tuare, eghuteuna glehedire naikno tuare ginauna thono diꞌa fara.

Profet Nahum 1:10

Mae te eni puhi te diꞌa ranghini Lord gne, jateula mae te koꞌu te salaꞌui te theome tangomana te kegra haghe ra eghu, ba jateula mae te khale ka gnarho te fachuchuru ra eghu. Lord ginauna goigonini mae igne, jateula namhata te nhako ka khaꞌaghira eghu.

Proveb 28:8

Keha naiknore dedei fara ka puhi te diꞌa kate foli mare intres biꞌo ka kaoni. Nu dedei igne ginauna tei ka khamegna mae ihei te keli ranghidi iheire te kuma.

Proveb 11:4

Kate fateni Lord naikno na, sileni na theo nafugna na theome toghoni mana. Nu puhi te doglo na tangomana te fakarhini naikno na.

Nodi Khoje Hatimare Mae Jiu 78:30

Nu kate ima teu mare gano teke magnahagheni fara mare igne na,

Nogna Buka Esta 5:11

Kate kafe khapru mei te gnafa mae kheragnare, mana kegra haghe ne fafnaknoni nanghagna thegna na ke uludi mare hui. Mana ne falaseni thegna ka mare te kaisei mae dedei, nei kaisei mae au kmana thugna. Eghuteuna mae king jaola neke tusu lao kaisei sape nafnakno biꞌo ka mana. Eigna mana nogna praeminista mae king. Eghuteuna keha nogna mae minista te gnafa mae king igre au ke parigna mana.

Nodi Khoje Hatimare Mae Jiu 49:10

Uve, te laseni tahati na mae te lalase na, mana na lehela jateula mae te theome lalase nei mae te fameomekro teugre eghu. Mana ginauna lisei faleghu nogna silenire eghuteuna keha naiknoi na teke khotodire.

Proveb 10:2

Nogna glepo keli mae te eni puhi te diꞌa na, theo nafudi kolho, nu puhi te doglo na, tangomana te fakarhini mana na.

Proveb 13:7

Keha naiknore ne dedei fara eghu cheke fahaehaghe fara, nu theome tutuani kolho eghu. Nu kehare chekeni ne kuma teuna, nu mare dedei fara eghu.

Proveb 27:1

Iagho thosei cheke fahaehagheni unha nate eni iagho nathuꞌu na, iagho theome laseni unha nate thoke mei ginauna.

Profet Isaia 56:12

Naikno igre cheke eghu, ‘Tahati ari atha waen nei beer eghu mala koꞌu gheda mala ghilei thaviru noda fara! Nathuꞌu na ginauna thofno keli fara salaꞌuni narane gognarogne.’ ”

Profet Emos 6:13

Leuleghu fata na ghotilo chekeni koba ne ulunihi namono Lodeba ka magra teuna. Eghuteuna ghotilo cheke fahaehaghe eghu koba, “Ghehati hatahi namono Kanaim ka nomi nanheta themi.”

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.