Luku 11:24 - Buka Blahi Ka Cheke Holo

²⁴ Mae Jisas ne cheke eghu, “Kate brue fajifladi mare naitu teke au ka naikno na, naitu tuana ginauna tei tafri ke lamna namono te moja na mala deni vido aheva te mala au na. Aonu jame te theome deni kaisei vido na, mana na cheke eghu, ‘Iara gne nake pulo ngala ka nogu suga thegu ka mae teke tei kokoni ia.’

Luku 11:24 ပူးပေါင်းရင်းမြစ်များ

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Nodi Khoje Hatimare Mae Jiu 63:1

God, iagho nogu God iara. Iara magnahaghei nigho iagho fara te mala au fabrahu ka nakarhagu gne. Kate theomu iagho na, iara haimini ka nakarhagu na jateula glose te moja te theo khoꞌura eghu, eghume iara magnahaghei nigho iagho fara te mala au balugu iara.

Thoutonu Eigna Mae Job 2:2

Lord ne ghusna eghu ka mana, “Satan, iagho neke mei funu aheva?” Satan ne cheke eghu, “Iara nolo tafri kolho heva heva ka nauthoglu igne.”

Thoutonu Eigna Mae Job 1:7

Lord ne ghusna eghu ka mana, “Satan, iagho neke mei funu aheva?” Satan ne cheke eghu, “Iara nolo tafri kolho heva heva ka nauthoglu igne.”

Nonomho Te Keli Teke Risoi Mae Mak 5:10

Mana toreni fara mae Jisas mala thosei bruedi naiture ka nohi tuana.

Profet Isaia 48:22

Lord neke cheke eghu, “Naikno te diꞌa puhidire igre ginauna theome au ka pharikeli nakarhadire.”

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Nonomho Te Keli Teke Risoi Mae Mak 9:25

Mae Jisas ne filodi naiknore ne kafe thugha mei jare mala filoni unha te eni mae Jisas na. Aonu mae Jisas ne cheke eghu ka naitu na, “Iagho naitu te fameglini nei faꞌiho chekeni teu mae sitei igne, jifla mei ka mana. Eghuteuna, thosei ke ruma ka mana eghu!”

Profet Isaia 44:3

Eghume, iara ginauna snakre mei nakhete mala soru mei ke kligna glose te theo khoꞌu fara mala tangomana khoꞌu gre te britha ke kligna glose te khapra. Eghuteuna iara ginauna snakreni Tharungagu na ka thumi ghotilore. Eghuteuna iara ginauna fablahidi iheire nate karha mei ke leghumi ghotilo re.

Profet Isaia 35:7

Eghuteuna namono nagou teke au nusu brana kolho tadira, ginauna kholo biꞌo au tagna. Namono te theome keli teke au khuma mata ra, ginauna thua nafnata buburu khoꞌu ginauna kotu tagna.

Proveb 4:16

Mare theome thuru ghilei eni mare glepo te diꞌa na, ba goigonini keha mae na.

Luku 11:25

Aonu kate pulo ka naikno tuana, mana ne filoni naikno tuana jateula suga te haglu fagae te doglo hira eghu ke lamna na.