Luku 1:66 - Buka Blahi Ka Cheke Holo

⁶⁶ Naikno te nomhidi glepo igre, ne hirodi u gaoghathodi cheke igre ne cheke eghu, “U sua igne ginauna na faꞌunha si gnea?” Mare ne cheke eghu naugna mare laseni nogna nolaghi God na au ka mana.

Luku 1:66 ပူးပေါင်းရင်းမြစ်များ

Mae Khuru 11:21

Nolaghi nogna Lord na ne au baludi, eghuteuna naikno kmana Antiok ne fatutuani ne leghuni Lord.

Luku 2:51

Mae Jisas neke pulo baludi repa Nasaret. Mana ne leghudi unha te chekedi repa re. Eghuteuna idogna mana na ne ghaoghatho eidi unha teke edi re ne tathaji u cheke igre ka nagnafagna na.

Luku 2:19

Meri ne ghatho fabrahudi glepo igre ka nagnafagna na.

Jenesis 39:2

Lord na ne au balugna mae Josep, eghuteuna gobigna lepo te edi mana re ne thofno keli fara. Mae Josep gne ne loku ka sugagna mae Potifa na,

Luku 9:44

“Fanomho fakeli ka unha nate chekedi iara ka ghotilo gognaro gre! Iara mae teke mei funu ka God gne, mare ginauna na snakre lao ghau iara ka khamedi naiknore.”

Luku 2:40

Mae sua ikoi na ne funu biꞌo haghe ne lalase fara. Eghuteuna God ne fablahini mana fabrahu.

Luku 1:80

Aonu mae Jone ne biꞌo haghe ne rheta u gaoghathogna na. Mana ne tei ne au ka namono nagou na ne ghilei thokeni u narane te fufunu mana nogna gloku na ranghidi naiknodi Israel re.

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Nodi Khoje Hatimare Mae Jiu 89:21

Iara ngala te fahetani mana na, eghuteuna nogu nolaghi iara na ginau au fabrahu balugna mana.

Ululahu Kings 18:46

Eghuteuna nogna nolaghi Lord na ne mei ka mae Elija, eghuteuna mana ne haru famaku nogna pohe na ne chari uluni King Ehab ne kulu tei Jesrel.

Ululahu Samuel 16:18

Kaisei mae ka mae igre ne cheke eghu ka mana, “Kaisei maegna Betlehem, thugna mae Jesi, mana lase lalahu gita fara. Mana kaisei mae soldia keli nei theome mhaghu eghu. Mae igne thofno keli fara filogna na, eghuteuna mana kaisei mae lase cheke fara, eghuteuna Lord na au balugna mana.”

Ululahu Samuel 2:18

Nu ka narane tuana, mae sua Samuel ne au faleghu neu Saelo mala loku ranghini Lord. Mana fahaghe kaisei phoko blahi te kiloi “efod”.

Jenesis 37:11

Hatimare mae thabusigna thegna mae Josep gre ne goghotu fara ka mana. Nu mae kmagna na ne ghaoghatho ne brahu fara ka gaoghathogna nogna mifi mae Josep na.

Nodi Khoje Hatimare Mae Jiu 80:17

Taji ghami nei batu ghami eghu sagho ghehati nou naikno teke vavahi themu gre. Naugna iagho neke magnahaghei ghami ghehati te kmana nei nheta neku.

Kolose 1:5

Tutuani fara, fatutuani nei namha teuna au ka ghotilo naugna ghotilo rouronu mala hata unha God tela kulu tarabanahi malami ghotilo kligna. Ghotilo laseni grouronu igne kani teke nomhini cheke te tutuani eigna mae Jisas Kraes.