Luku 1:50 - Buka Blahi Ka Cheke Holo

⁵⁰ Mana kokhoni nognadi nei namhadi eghu naikno te gnafa te ghatho tahuni mana re, funu ka naikno tifa te ghilei posa ka naikno te theome karha nga teure.

Luku 1:50 ပူးပေါင်းရင်းမြစ်များ

Eksodas 20:6

Nu jame te namha ghau iara nei leghudi nogu vetula iara gre teu ghotilo na, iara ginau na thofno namha ghami ghotilo nei kaisei thogha vikemi ghotilo nate karha mei teu thogheiro re.

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Nodi Khoje Hatimare Mae Jiu 145:19

Leuleghu fata na mana tusu lao glepo ka iheire te ghatho tahuni mana re. Mana jaola nomhidi nodi tharai re nei fakarhidi.

Nodi Khoje Hatimare Mae Jiu 118:4

Tahati te gnafa te ghatho tahuni mana ra, tahati cheke eghu, “Mana namha ghita fabrahu tifa tifa.”

Nodi Khoje Hatimare Mae Jiu 103:11

Eigna nogna namha mana ranghidi naikno te ghatho tahuni mana re thofno biꞌo fara jateula maloa kligna eghu.

Nodi Khoje Hatimare Mae Jiu 31:19

Iagho tangomana te edi famane gloku te keli fara te mala toghodi iheire te ghatho tahu nigho igre. Iagho tangomana te reireghi fakelidi iheire te fatutuani nigho re nei toghodi eghu ke uludi naiknore.

Nodi Khoje Hatimare Mae Jiu 115:13

Mana ginauna fablahidi ihei te ghatho tahuni mana, neubane mae ihei te au tagna nafnakno ba theo.

Thakle 19:5

Iara ne nomhini kaisei cheke ne mei funugna ka nogna sape nafnakno mae King na, ne cheke eghu, “Ghotilo cheke fakelini noda God, ghotilo te gnafa te au nolaghi ba te theo nolaghi, iheire te loku ranghini mana nei ghatho tahuni mana teuna.”

Nodi Khoje Hatimare Mae Jiu 85:9

Tutuani fara, God na kaikaliti fabrahu te mala fakarhidi iheire te ghatho tahuni mana na, eghume tahati ginauna filoni nogna nolaghi mana te mala fakarhi ghita tahati naikno te au ka kantri igne.

Luku 1:49

Naugna God mae te nolaghi na ne togho ghau iara. Nanghagna na thono blahi fara.

Fapea Kings 17:39

Ghotilo ginauna mala ghatho tahu ghau iara kaisei ngala Lord nomi God, eghuteuna iara ginauna fakarhi ghami ka khamedi nomi naoka ghotilo are.”