Luku 1:13 - Buka Blahi Ka Cheke Holo

¹³ Eghuteuna, engel na ne cheke eghu ka mana, “Sekaraea, thosei mhaghu. God na nomhinihi nou tharai iagho re te mala au thumu na. Nu khetomu iagho Elisabet na ginauna na au kaisei thugna nalhaꞌu. Iagho na kiloi nanghagna na mae Jone.

Luku 1:13 ပူးပေါင်းရင်းမြစ်များ

Mae Khuru 10:31

ne cheke eghu, ‘Ghema Konilias, God na la nomhidihi nou tharai iagho ra nei la filodihi unha teke edi iagho te mala toghodi naikno te kuma ra.

Ululahu Samuel 2:21

Aonu Lord ne fablahini Hana, eghuteuna Hana ne karha thilo thugna nalhaꞌu nei phei gaꞌase. Nu mae Samuel ne biꞌo haghe ka nogna Sugablahi Lord na.

Nodi Khoje Hatimare Mae Jiu 113:9

Mana neke fablahidi goro gaꞌase te theo thudire mala ke au kmana thudi nei glealeꞌa eghu reꞌe. Cheke fakelini nanghagna Lord!

Jenesis 25:21

Nu khetogna mae Isak gne neke khara neke theo thugna kolho, aonu mae Isak gne neke tarai ka Lord eigna Rebeka. Lord neke cheke tughuni nogna tharai mae Isak na. Aonu Rebeka bukla ne au phei thugna nalhaꞌu.

Luku 2:21

Kate kaisei wik gnahi sua na, mare ne tohi fagaglanani mana. Eghuteuna mare ne kiloni mana mae Jisas. U nangha teke chekeni engel kani teke theome bukla nga tekeu Meri na.

Nodi Khoje Hatimare Mae Jiu 118:21

Lord God, iara cheke fakeli nigho koba, naugna iagho neke cheke tughudi nogu tharai iara re, nei iagho neke fakarhi ghau iara.

Jenesis 18:14

Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”

Matiu 14:27

Mae Jisas ghosei ne cheke eghu mei ka mare, “Thosei nanga nomi! Iara mae Jisas! Thosei mhaghu!”

Jenesis 17:19

Nu God ne cheke eghu ka mae Ebraham, “Theo, iara theome vahini mae Ismael. Nu khetomu iagho Sera gne ginauna au kaisei thugna nalhaꞌu, eghuteuna iagho mala kiloni nanghagna na Isak, gaoghathogna mae Isak teu igne ‘maꞌe’ eghu. Iara ginauna na eni nogu nhaꞌa cheke na balugna mana nei thugna mana re eghu, eghuteuna nhaꞌa cheke igne ginauna au fabrahu tifa e tifa.

Matiu 28:5

Engel na ne cheke eghu ka phei gaꞌase re, “Thosei mhaghu. Iara lase ghami ghopa hironi mae Jisas, mae ihei teke tupijuru mare ka gaju fafatha ia.

Profet Daniel 10:12

Mana neke cheke eghui ka iara, “Daniel, thosei mhaghu. God na nomhini nou tharai iagho na, funu ka narane teke nhaꞌa fapari nigho themu ke ulugna God na, iagho neke fariuriu mala lasedi gaoghathodi glepo igre teku, iara gognarona mei balu cheke tughu gna nou tharai iagho na.

Jajis 6:23

Nu Lord ne cheke eghu ka mana, “Thosei mhaghu! Iagho theome tangomana te lehe na.”

Jenesis 17:10

Igne unha nate eni iagho te mala laseni iara te thofno leghuni iagho nogu cheke iara na. Iagho nei thumure eghu mala tohi fagaglana, eghuteuna ghotilo mala kafe tohi fagaglana goro mae nalhaꞌu te au balumi re. Funu gognaro te haghe na ghotilo mala kafe tohi fagaglana goro mae sua nalhaꞌu tela kaisei wikidi hire. Ghotilo mala jaola kafe tohi fagaglana mae nomi sneka re nei mae thudi re eghu. Eghuteuna u fagaglana igne ginauna na au fabrahu ka gulimi ghotilo re mala theome ghatho ihoni ghotilo nogu nhaꞌa cheke iara na.

Luku 1:30

Nu engel na neke cheke eghu ka naꞌa, “Meri, thosei mhaghu eigna cheke igne. Naugna God na thono keli tagna fara ka iagho.

Profet Isaia 8:3

Theome raugha, khetogu iara na la bukla, eghuteuna naꞌa na au kaisei mae sua nalhaꞌu. Aonu Lord ne cheke eghu ka iara, “Iagho kiloni nanghagna mae sua igne, ‘Mahea-Salal-Has-Bas’.

Profet Hosia 1:6

Ke leghugna igne, Goma bukla neke au kaisei thugna gaꞌase. Eghuteuna Lord ne cheke eghu ka mae Hosia, “Iagho kiloni thumu gaꞌase igne, Lo-Ruhama. Gaoghathogna na theome kokhoni ni. Naugna iara ginauna na theome kokhoni ni Israel. Eghuteuna iara ginauna theome hata koko nakhibodi naiknore.

Profet Hosia 1:4

Ke leghugna igne, God ne cheke eghu ka mae Hosia, “Iagho na kiloni thumu na, Jesrel. Gaoghathogna Jesrel teu igne, God ginauna joꞌu soru lamna glose. Naugna iara na theome raugha na parani tharaknagna mae Jehu eidi naikno te lehe ka namono Jesrel tifa ra. Eghuteuna iara ginauna fagnafadi mae king igre mala theo kaisei mae ka vikegna mae Jehu nate funei fruni ni kantri Israel.

Nonomho Te Keli Teke Risoi Mae Mak 16:6

Mae majaghani igne ne cheke eghu ka reꞌe, “Thosei mhaghu. Iara lase ghami ghotilo, ghotilo mei hironi mae Jisas gna Nasaret, mae ihei teke tupijuruni mare kau gaju fafatha ia. Mana theome au agne, mana na kela karha fapulohi. Mei si ghotilo agne mala filoni vido aheva mare teke liliseini mana na.

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Luku 1:14

Iagho ginauna na gleꞌa fara kate filoni mana na. Nu naiknore ginauna na gleꞌa langau kate nomhini karhagna mana na.