Levitikas 9:24 - Buka Blahi Ka Cheke Holo

²⁴ Khaꞌaghi na megei nga ne jifla mei ka vido te au teu Lord na ne gnhubra fahui nafnahi te gnafa nei garofadi teu fafara ka olta na. Eghuteuna kate filoni igne, naiknore ne thagru fabiꞌo ne pogho soru ka glose na.

Levitikas 9:24 ပူးပေါင်းရင်းမြစ်များ

Jajis 6:21

Aonu, Engel nogna Lord igne loku kaisei khodo ne jaꞌi lao khukrugna khodo igne te habodi nafnahi nei bret teu igre. Khaꞌaghi ne deudeplu haghe ke kligna gna thina igne ne thofno krono fara glepo igre. Eghuteuna Engel nogna God igne megei nga ne dofini.

Ululahu Kronikols 21:26

Eghuteuna mae Devet ne babana kaisei nogna olta Lord ka vido igne. Eghuteuna mana ne gahu fafara ka Lord, kehare knoro fara, nei kehare mala au ka pharikeli balugna Lord. Mae Devet ne tarai ka Lord, eghuteuna Lord nomhini nogna tharai mana na ne kuru soru khaꞌaghi funu kligna ne gahu fafara te au ka olta igne.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Jajis 13:23

Nu khetogna na ne cheke eghu, “Theo, Lord theome magnahaghei te falehe ghita tapa, naugna mana glealeꞌa ka noda fafara tapa ia, eghuteuna mana snakre ghita tapa la filodi glepo biꞌo igre. Keha na, mana neke cheke ranghi ghita, tapa ginauna au kaisei thuda nalhaꞌu.”

Levitikas 6:13

Khaꞌaghi ka olta na igne theome mala lehe, nu mala dudulu fabrahu kolho.”

Eksodas 3:2

Jare engel nogna Lord na ne thakle mei ke lamnagna khaꞌaghi te deudeplu teu ka kaisei gaju ikoi. Eghuteuna Moses ne jaglo nogna fara te filoni khaꞌaghi te deudeplu ka gaju igne, nu theome gnhubra kolho khaklagna re teu igne.

Jenesis 15:17

Kate pluluhi naprai na tela romnohi na, phei glepo ne thakle mei, kaisei sospen te fodu ka khaꞌaghi te gagahu nei kaisei juta te deudeplu fara eghu ne tei salaꞌu fari hotedi phei thura nafnahi re.

Thakle 7:11

Aonu hatimare mae engel re ne kegra falithuini nogna sape nafnakno mae King na nei falithuidi hatimare mae biꞌo ka khiloau nei fati glepo te karha igre. Mae engel re ne turupuku ke ulugna nogna sape nafnakno mae King na ne pogho soru ranghini God,

Thakle 5:8

Eghuteuna kate hata mae Lam pepa na, fati glepo te karha gre baludi hatimare varadaki fati mae biꞌo ka khiloaure mare ne pogho soru ke ulugna mae Lam ne kilo fnaknoni mana. Mare te gnafa na kafe hata gita biꞌo mala koje nei dis teke hohoro ka gol te fodu ka insens. Dis igre nodi tharai iheire te fatutuani ni God re.

Matiu 26:39

Mae Jisas ne riu fadelei katha vido ka thilo mare. Mana pogho soru ne tarai, “Mama, jame te tangomana na, thosei snakre ghau iara mala au papara ka nafnata puhi igne. Nu eni unha te magnahagheni iagho themu na, theome leghui unha te magnahagheni iara na.”

Esra 3:11

Eghuteuna mare koje ne kilo fnaknoni Lord nei mala tegioni mana. Mare koje ne cheke eghu, “Lord na thofno keli fara! Eghuteuna nogna namha ranghini Israel theo ka huigna!” Naiknore ne kafe koje fabiꞌo mala kilo fnaknoni Lord, naugna gloku te lilisei thina biꞌo ka khotogna Sugablahi igne la fufunu gognarona.

Thakle 4:9

Glepo te karha igre ne koje ranghini mae ihei te gnokro teu ka nogna sape nafnakno mae King na, mae ihei te karha tifa tifa. Mare ne koje eghu, “Ghehati pala hagheni nanghamu na, fafnakno nigho, nei cheke fakeli nigho! Iagho au nolaghi ke klignadi gobigna lepo te gnafa ka nauthoglu igne!”

Fapea Kronikols 6:2

Gognarona iara la horohi kaisei famane Sugablahi malamu iagho. Kaisei vido mala au fabrahu iagho tagna.”

Fapea Kings 19:15

Mana ne tarai eghu ka Lord, “Lord nodi God mae Israel! Iagho gnokro ka nou sape nafnakno na farihoteidi phei engel, kaisei iagho ngala God te funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Naba 16:22

Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Naba 14:5

Aonu mae Moses ghe mae Eron ne pogho soru ke uludi naikno te khapru jare re ne thoke phaꞌudire ka glose na mala tarai ka Lord.

Jenesis 17:3

Mae Ebram ne pogho soru pari, eghuteuna God ne cheke eghu ka mana,

Levitikas 10:2

Aonu khaꞌaghi igne megei nga ne jifla mei ka vido aheva te au teu Lord na ne gnhubra ne lehe phia mare ke ulugna mana.

Naba 23:21

Iagho na theome filoni kaisei glepo te thokedi kokhologna mae Jekob ginauna. Eghuteuna theo kaisei hoholo te ginau thokedi naiknodi Israel gre. Lord na nodi God mare, eghuteuna leuleghu fata mana au baludi mare. Leuleghu fata na mare eha eigna God ngala nodi king mare na.