Levitikas 9:22 - Buka Blahi Ka Cheke Holo

²² Ke leghugna te gnafa fafara igre, mae Eron ngafa haghe phei khamegna re ne fablahidi naiknore, aonu mana neke soru ka olta na.

Levitikas 9:22 ပူးပေါင်းရင်းမြစ်များ

Luku 24:50

Mae Jisas ne batu fajifladi nogna mae fanomhore Jerusalem ne tei thoke Betani. Jare mana ne ngafa haghe khamegnare ne fablahidi mare.

Diutronomi 21:5

Eghuteuna mae pris ka vikegna mae Livae igne jaola mala tei ka vido igne. Lord nomi God ghotilo na neke vahidi mae pris mala edi nogna gloku re, nei mala chekeni fablahi na ka nanghagna mana, nei mala fatedi puhi biꞌo teke fari pholai nei magra teku re.

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.

Fapea Korin 13:14

Iara toreni ka God nogna khokofakasai noda Lord Jisas Kraes, nei nogna namha God, nei nogna loku fodu mae Tharunga te Blahi mala au balumi ghotilo hui. Me gnafa. Iara, mae Pol.

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Nonomho Te Keli Teke Risoi Mae Mak 10:16

Aonu mae Jisas ne salofodu goro suare rhegnai ne fablahidi.

Nodi Khoje Hatimare Mae Jiu 72:17

Te keli na jame mare theome ghatho ihoni nanghagna mae king na, uve, nanghagna mana te fnakno na mala au fabrahu, jateula naprai te au fabrahu ka maloa na ana eghu. Eghuteuna naikno te gnafa ka nauthoglu igne ginauna tore nigho iagho mala fablahidi jateula iagho teke fablahini mae king ia eghu. Naikno ginauna ghatho tahuni mana.

Fapea Kronikols 6:3

King figri lao ka naiknodi Israel te kegra teu ka vido tuana ne fablahidi mare.

Ululahu Kronikols 23:13

Mae Amram neke au phei thugna nalhaꞌu: Mae Eron ghe mae Moses. Lord neke vahini mae Eron baludi thugna mana re mala fiofilodi glepo blahi teke tusu lao naiknore ka Lord, eghuteuna vikegna mana na eni koba gloku igne. Nodi gloku mare na mala gahu fafara mala tufru soruni Lord, eghuteuna mare edi keha gloku te mala fablahidi naiknore ka nanghagna Lord.

Ululahu Kings 8:55

Aonu mana ne cheke fabiꞌo ne fablahidi naiknodi Israel.

Diutronomi 10:8

Eghuteuna ka narane tuana, Lord neke vahini vikegna mae Livae mala palagna nogna Bokis Blahi Nhaꞌa cheke Lord na. Eghuteuna mae igre loku ka Suga Tapuale te Blahi na nei mala fablahidi naiknore ka nanghagna Lord. Igre nodi gloku mare te mei posa gognarogne.

Eksodas 39:43

Aonu, Moses ne filo ka nodi gloku mare igre, eghuteuna kate filo fakeli mana ka gobigna lepo te edi mare igre, mare thofno edi glepo igre leghuni unha teke chekedi Lord ka Moses. Aonu Moses ne fablahidi mare.

Naba 6:22

Lord ne cheke eghu ka mae Moses,