Levitikas 8:6 - Buka Blahi Ka Cheke Holo

⁶ Aonu mae Moses atha meini mae Eron baludi thugna re ke ulu, eghuteuna mana ne faꞌapudi mare mala klino mare ka tathagna Lord.

Levitikas 8:6 ပူးပေါင်းရင်းမြစ်များ

Efesus 5:26

Mana neke eni igne mala fablahini nei mala tihi fagaeni eghu khiloau na ka khoꞌu nei ka chekegna.

Ululahu Korin 6:11

Tifa na, keha naikno ka ghotilo neke jateula tuana neku! Nu ka nanghagna noda Lord Jisas Kraes nei ka nogna nolaghi Tharunga gna noda God, mana neke hata fadelei nakhibomire mala nogna naikno nei mala au doglo ka tathagna God na.

Eksodas 29:4

Iagho atha Eron baludi thugna ra mala mei kegra ka grengatha gna Suga Tapuale te Blahi na mala thafoni God, eghuteuna iagho faꞌapudi mala gae ka tathagu iara na.

Profet Esikiel 36:25

Iara ginauna na jateula te tofa khoꞌu te klino ke klignami ghotilo ra eghu mala klino ghotilo ka puhimi te diꞌare, nei theome tarai ghotilo ka mumuju.

Profet Isaia 1:16

“Ghotilo fagae ghami themi, eghuteuna thosei ke eni kaisei puhi te diꞌa.

Nodi Khoje Hatimare Mae Jiu 51:7

Hata fadeleidi sagho nakhibogu iara gre, naugna iagho ngala te au nolaghi te mala titihi fagae ghau iara te mala jateula pohe vegha teu iara na.

Nodi Khoje Hatimare Mae Jiu 51:2

Tihi kokodi sagho ka iara nakhibo te edi iara gre. Hata fadeleidi sagho tagu, mala gae nogu iara.

Nodi Khoje Hatimare Mae Jiu 26:6

Lord, iara na titihi khamegu gre mala laseni iagho te theo hila kaisei najafra ka iara na. Eghuteuna iara na tei falithuini nou olta iagho na balu tharai.

Eksodas 40:12

“Iagho ginauna atha mei Eron baludi thugna ka grengatha gna Suga Tapuale te Blahi mala titihi di ka khoꞌu, mala klino mare ka tathagu iara na.

Eksodas 30:19

Eron baludi thugnare ginauna titihi ghahe nei khame eghu mala mei thafoni God ke lamna Suga Tapuale te Blahi, mare mei ka olta igne mala gahu fafara ka iara Lord. Ulu lahu na mare mala titihi khame nei ghahe eghu ka khoꞌu te au ka dis igne, mala gae mare ka tathagu iara na, jame te theo mare na, mare ginauna lehe. Igne kaisei vetula te mala leghuni fabrahu mae Eron nei mae thugna mana re, ba iheire nate karha mei ginau ke leghudi mare.”

Thakle 7:14

Iara ne cheke eghu ka mana, “Mae biꞌo, iara theome lasedi. Iagho ngala te lasedire.” Mana ne cheke eghu ka iara, “Naikno igre neke theome lehe ka papara biꞌo. God neke hata fadelei nakhibodire naugna Lam na neke thofa dadaragna na neke lehe. Eghume gognaro na mare klino fara ke ulugna God.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Hibru 9:10

Naugna glepo te gnafa igre puhi eidi gano nei khoꞌu, ba nafnata puhi mala titihi igre maladi thini kolho. Eghuteuna vetula igre mala leghudi tahati ghilei thoke mei u narane God nate tughu ka nhaꞌa cheke te majaghani.

Profet Sekaraea 13:1

“Ka narane tuana, iara ginauna tothora kaisei famane glokha khoꞌu, ranghini tharaknagna Devet nei naiknodi Jerusalem mala tangomana mare apu te klino ka tathagu iara na eidi nakhibodi re nei keha glepo te fathonadi mare.

Levitikas 8:5

mana ne cheke eghu ka naiknore, “Igne unha te chekeni Lord te mala eni tahati na!”

Levitikas 16:4

Mana mala kulu apu, eghuteuna mana mala fahaghe nogna pohe blahi teke horo ka famane pohe. Tuana nogna pohe brahu mana na, nei nogna trasis kmoꞌei na, nei nogna nhugha pohe na, nei nogna khepi na.