Levitikas 8:36 - Buka Blahi Ka Cheke Holo

³⁶ Aonu mae Eron baludi thugna mana igre, mare ne edi gobigna lepo igre thofno jateula teke chekedi Lord ka mae Moses mala edi mare tekure.

Levitikas 8:36 ပူးပေါင်းရင်းမြစ်များ

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Ululahu Samuel 15:22

Nu Profet Samuel ne cheke eghu, “Unha te magnahagheni Lord na? Ba, mana magnahaghei nigho iagho te faꞌuveni nogna cheke na, ba, mala eni iagho fafara te thofno krono na? Te faꞌuveni iagho mana na tuana keli fara salaꞌuni fafara na. Te fanomho iagho ka mana na tuana keli fara salaꞌuni garofa gna sipu te fafara na.

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.

Eksodas 40:16

Eghuteuna Moses ne edi gobigna lepo igre thofno leghuni unha teke cheke ni Lord ka Moses.

Eksodas 39:43

Aonu, Moses ne filo ka nodi gloku mare igre, eghuteuna kate filo fakeli mana ka gobigna lepo te edi mare igre, mare thofno edi glepo igre leghuni unha teke chekedi Lord ka Moses. Aonu Moses ne fablahidi mare.

Levitikas 8:35

Bongi narane na, ghotilo mala au fabrahu ka grengathagna Suga Tapuale te Blahi na, ghilei thokeni fitu narane, eghuteuna ghotilo mala edi fabrahu glepo teke chekedi Lord re. Jame te theome eni ghotilo igne na, ghotilo ginauna lehe, naugna igne unha te chekeni Lord ka iara na.”

Levitikas 9:1

Nhana narane ke leghugna teke taofi pris Eron igne, mae Moses ne kiloni mae Eron nei thugna mana re eghu baludi mae lidadi Israel mala kafe mei.

Levitikas 8:9

Eghuteuna mana atha nogna khepi mae pris biꞌo na ne nhaꞌa lao ka phaꞌugna mae Eron, eghuteuna ke ulu ka khepi tuana mana fagefe lao medol blahi teke eni ka gol igne. Gobigna lepo igre mae Moses ne thofno leghudi unha teke chekedi Lord ka mana re.