Levitikas 8:31 - Buka Blahi Ka Cheke Holo

³¹ Mae Moses ne cheke eghu ka mae Eron baludi thugna mana re, “Ghotilo atha nafnahigna fapea sipu na mala kuki ka khoꞌu ka vido igne kolho, ka grengathagna Suga Tapuale te Blahi. Eghuteuna ghotilo mala ghamu nafnahi igne balu bret te au ka kharaꞌo gano te mala taofi ghotilo ana. Igne unha te chekeni Lord te mala eni ghotilo na.

Levitikas 8:31 ပူးပေါင်းရင်းမြစ်များ

Galesia 2:20

Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Jone 6:51

Iara ngala u gano karha teke mei funu kligna na. Ihei te ghamuni gano igne na, mana na karha fabrahu. U gano igne ngala u thinigu iara na. Iara ginauna tusu lao ka naiknogna u nauthoglu igne mala tangomana te athini u karha na.”

Jone 6:35

Mae Jisas ne cheke eghu ka mare, “Iara jateula u gano eghu mala tusu lao u karha na ka naiknore. Mae ihei te mei ka iara na mana ginauna theome rofo. Mae ihei te fatutuani ghau iara na mana ginauna theome roi koꞌu.

Jone 6:33

U gano teke tusu mei God na mae ihei teke soru mei funugna kligna te mala tusu lao u karha na ka naikno te gnafa kau nauthoglu igne.”

Levitikas 10:17

“Fafara igne mala doglo naikno te gnafare ka tathagna Lord! Eghume naugna unha si ghotilo te theome ghamu thofno nafnahi blahi igne ka glalaba blahi gna Suga tapuale te Blahi gnea?

Levitikas 7:15

Mae ihei te eni fafara igne mana tangomana te ghamu nafnahigna na, eghuteuna mana mala ghamu fahui nafnahi igne ka narane tuanala. Mana theome tangomana te tathaji kaisei nafnahi te ghilei hamerane na.

Levitikas 6:28

Jame kaisei mae pris kuki nafnahi ka kaisei suspen teke horo ka glose, mana ginauna poposa suspen tuana. Ba mana jame kuki ka kaisei suspen, mana grahi mala gae, eghuteuna titihi ka khoꞌu.