Levitikas 8:30 - Buka Blahi Ka Cheke Holo

³⁰ Aonu mae Moses ne atha katha oel blahi balugna katha dadara teke lilisei ka olta na, eghuteuna mana fuafusa thoghei ne tei ka mae Eron nei ka nogna pohe mana re, nei ka thugna neu nodi pohe teu mare re. Ka puhi igne, mana ne taofidi mare balu nodi pohe.

Levitikas 8:30 ပူးပေါင်းရင်းမြစ်များ

Naba 3:3

Moses gne neke tofa oel ka thugna mae Eron gre neke fablahidi mala mae pris.

Eksodas 30:30

“Iagho ginauna tofa katha oel blahi ka phaꞌugna Eron, nei ka thugna mana re, eghuteuna iagho fablahidi mare mala pris mala loku ranghi ghau iara.

Eksodas 29:21

Iagho atha keha dadara te au kligna olta, eghuteuna ngigno balu katha oel blahi, eghuteuna iagho thoghei fuafusa lao ka mae Eron, nei ka nogna pohe blahi mana re. Eghuteuna iagho jaola thoghei fuafusa ka thugna mana re baludi nodi pohe blahi re. Eghuteuna ka puhi igne, iagho ginauna fablahini mae Eron nei thugna mana re, baludi nodi pohe blahi mare.

Thakle 7:14

Iara ne cheke eghu ka mana, “Mae biꞌo, iara theome lasedi. Iagho ngala te lasedire.” Mana ne cheke eghu ka iara, “Naikno igre neke theome lehe ka papara biꞌo. God neke hata fadelei nakhibodire naugna Lam na neke thofa dadaragna na neke lehe. Eghume gognaro na mare klino fara ke ulugna God.

Ululahu Jone 2:27

Nu mae Kraes neke kuru meini mae Tharunga te Blahi na ka ghotilo. Mae Tharunga te Blahi gne au ngala balumi ghotilo mala farirhiu ghami gobigna lepore. Eghume ghotilo theome magnahagheni kaisei mae velepuhi delei te mala farirhiu ghami na. Mae Tharunga te Blahi gne tutuani fara, theome chaichaghi. Eghume heta ghemi au balugna mae Kraes, jateula mae Tharunga te Blahi teke farirhiu ghami ghotilo ia eghu.

Ululahu Pita 1:2

Tifa na, God Mama neke vahi ghami ghotilo leghuni nogna gaoghatho na. Eghuteuna mae Tharunga te Blahi neke fablahi ghami naugna mana neke magnahaghe ghami ghotilo te leghuni mae Jisas Kraes nei fagae ghami ka dadaragna mae Jisas Kraes. Iara toreni God mala fablahi ghami nei tusu ranghi ghami pharikeli mala bruara fabrahu tifa tifa.

Hibru 2:11

Tutuani fara, mae ihei te faklinodi naiknore ke ulugna God nei naikno te klinore eghu God ngala Kmadi na. Naugna igne mae Jisas ne keli tagna te kilo ghita thabusigna thegna.

Profet Isaia 61:3

eghuteuna mala fameomegodi nei faglealeꞌadi eghu naikno te diꞌanagnafa ka namono Saion. Mare ghiha nakrofu ka phaꞌudire fagaglana gna nodi diꞌanagnafa na, nu mare ginauna nake gleale'au, jateula te fahaghe khepi nafnakno ra eghu. Tifa na mare neke diꞌanagnafa nei tanhi neku, nu ginauna mare na koje mala kilo fnaknoni Lord. Mare ginauna doglo ke ulugu iara jateula gaju ok te doglo teke joꞌu thegna Lord ra eghu. Eghuteuna mare te gnafa na ginauna kilo fnaknoni Lord eidi glepo te keli teke edi manare.

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Eksodas 28:2

Iagho mala susuki nodi pohe mae pris malagna thabusimu iagho Eron, mala famane keli filogna eghuteuna naiknore tangomana te ghatho tahuni mana.

Levitikas 7:36

Ka narane tuana, Lord neke cheke ranghidi naiknodi Israel mala atha tei phei nafnahi igre, nafnahi teke fafara fabrahu ka hatimare mae pris, igne kaisei vetula te mala leghuni fabrahu mare na.

Levitikas 7:35

Funu ka narane mae Moses teke fablahini mae Eron baludi mae thugna re te mala nogna pris Lord na, Lord neke vahi fadeleihi phei nafnahi igre malagna mae Eron balu goro thugna.

Levitikas 8:12

Mana tofa keha oel ka phaꞌugna mae Eron, mala blahi mana.