Levitikas 8:17 - Buka Blahi Ka Cheke Holo

¹⁷ Nu mana atha ne tei keha vidogna buluka igne, balu guli nei chara lamna ka thiꞌagna na, ne thofno gnubra fateo ke kosigna vido glose te au mare na, jateula unha teke chekeni Lord ka mana na neu.

Levitikas 8:17 ပူးပေါင်းရင်းမြစ်များ

Eksodas 29:14

Fafara igne mala doglo mae pris gre ka tathagu iara na. Nu nafnahi balu guligna, nei glepo diꞌa te gnafa lamna ka thiꞌagna na, iagho atha tei mala gnubra ke kosi nou namono. Iagho fafara buluka nalhaꞌugna igne mala atha koko nakhibodi hatimare mae pris.

Galesia 3:13

Mae Kraes neke hata fadelei ghitahi ka puhigna vetula te mala para ghita na, naugna mana neke tughu ghita ka naꞌau papara igne. Naugna u grioriso te blahi na jaola neke cheke eghu, “Mae ihei teke fafroroni mare ke kligna gaju na, God ginauna thofno fateni mana.”

Levitikas 16:27

Eghuteuna mare hata ne tei keha vidodi buluka igne nei nanigot eghu teke fafara pris biꞌo igne mala ke doglo ghotilo ka tathagu iara na, eghuteuna dadara teke hata teke mei pris Eron lamna ka Chogho te Thofno Blahi fara na. Mare mala hata tei thinidi phei glepo igre balu gulidi nei butudi eghu mala tei gnubra ke kosigna vido te au ghotilo tagna.

Levitikas 6:30

Nu jame mae pris biꞌo fafara mala doglo ka tathagu iara Lord, eghuteuna mana atha mei dadaragna na lamna ka Suga Tapuale te Blahi na, eghuteuna blahi kaisei naikno te ghamu nafnahigna fafara igne. Mare mala thofno gnubra fahui ka khaꞌaghi.”

Levitikas 4:21

Aonu mae pris ginauna pala tei buluka nalhaꞌugna igne mala gahu ke kosigna vido te au mare na, jateula teke eni ka buluka ululahu teke fafara teke atha fadelei nakhibogna ra eghu. Eghume buluka te fafara igne mala doglo ghotilo gnafa ka tathagu iara na.”

Levitikas 9:11

Nu mana atha ne tei nafnahigna buluka na balu guligna na mala gnubra ke kosigna vido te au mare tagna na.

Profet Esikiel 43:21

Eghuteuna iagho hata buluka nalhaꞌugna igne mala fafara mala doglo naiknore ka tathagu iara na, eghuteuna gahu ka vido aheva teke enihi iagho kosi ka glalaba falithuini nogu Sugablahi iara na.